باقىتجان بازاربەك "20 ميلليون تەڭگە جالاقى" دەگەن پىكىرىن ءتۇسىندىردى، - دەپ حابارلايدى اqshamnews.kz ءتىلشىسى.
بۇل تۋرالى ول ءماجىلىس كۋلۋارىندا ايتتى. دەپۋتاتتىڭ ايتۋىنشا، بۇل ونىڭ اتقاراتىن جۇمىسىنىڭ كولەمى تۋرالى بولعان:
"مەن زاڭمەن تالاپ ەتىلگەننەن الدەقايدا كوپ ەڭبەكتەنەمىن. جيىرما ەسە كوپ. مۇمكىن، وتىز ەسە دە. مەن جوعارى اۋديت پالاتاسى، جەر رەسۋرستارى كوميتەتى، سۋ رەسۋرستارى جانە سۋارمالى ەگىس مينيسترلىگى، ەكولوگيا مينيسترلىگى مەن ەكولوگيالىق ينسپەكسيا تاراپىنان تەكسەرۋ تۋرالى باستامالار ۇسىنامىن. مەملەكەتتىك ورگاندار ورىنداۋعا ءتيىس ءىستى ورىنداۋعا ماجبۇرلەيمىن"، – دەدى بازاربەك.
دەپۋتات سوزىنشە، بۇل ارەكەتتەر ونىڭ فۋنكسيونالدىق مىندەتىنە كىرمەيدى. ءبىراق مەملەكەتتىك ورگاندار ءوز مىندەتىن دۇرىس ورىنداماعانىنان ول بۇل ماسەلەمەن اينالىسۋعا ءماجبۇر.
سونداي-اق، دەپۋتاتقا حەيتكە قاتىستى سۇراق قويىلدى.
"مەنى قارالاۋعا تىرىساتىندار، مەن پارلامەنتتە ىزگى كۇشپىن، جاقسىلىق جاعىندامىن. مەنىڭ اينالامدا مەنى قولدايتىن جۋرناليستەر، بلوگەرلەر، قوعام بەلسەندىلەرى بار. ەگەر ولار بىرەۋدى قارالاسا، وندا كىمدى قولدايدى؟ ولار زاڭدىلىق پەن ەلدە ءتارتىپ ورناتۋعا اتسالىساتىن ادامداردى قولداۋى كەرەك"، — دەيدى دەپۋتات.
ەسكە سالايىق، 8 قىركۇيەكتە ءماجىلىس دەپۋتاتى باقىتجان بازاربەك ءوز مىندەتىن 20 ميلليون تەڭگە جالاقىعا لايىق دەڭگەيدە اتقاراتىنىن مالىمدەگەن ەدى.