ادام قۇقىقتارى جونىندەگى ۋاكىل ەلۆيرا ءازىموۆا باس پروكۋراتۋرادان قاڭتارداعى تارتىپسىزدىكتەرگە قاتىسى بار دەگەن كۇدىكپەن كۇزەتپەن ۇستالىپ وتىرعان جارالىلاردى بۇلتارتپاۋ شاراسىن جەڭىلدەتۋدى سۇرادى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«25 قاڭتاردا ءىس ماتەريالدارىن تەكسەرۋ ناتيجەلەرى بويىنشا پروكۋرورلاردىڭ قاۋلىلارى نەگىزىندە 11 ازامات الماتى قالاسىنىڭ تەرگەۋ يزولياتورىنان بوساتىلدى. باس پروكۋراتۋرادان كۇزەتپەن ۇستالىپ وتىرعان ازاماتتارعا تاعىلعان ايىپتاردى، سونىڭ ىشىندە دەنساۋلىق جاعدايلارىن ەسكەرە وتىرىپ، بۇلتارتپاۋ شاراسىن الىپ تاستاۋدىڭ نەمەسە وزگەرتۋدىڭ زاڭدىلىعى مەن مۇمكىندىگى بولىگىندە تەكسەرۋ جۇرگىزۋدى جالعاستىرۋدى سۇرايمىز»، - دەگەن ۋاكىل زقولدانىستاعى زاڭنامادا ونىڭ بىرنەشە جولى بار ەكەنىن ەسكە سالدى.
«زاڭنامادا باس بوستاندىعىن شەكتەۋ ورنىنا ەشقايدا كەتپەۋ تۋرالى قولحات، ءۇيقاماق جانە كەپىلگەرلىك سياقتى بالامالى بۇلتارتپاۋ شارالارى كوزدەلگەن»، - دەدى ادام قۇقىقتارى جونىندەگى ۋاكىل.