2024 جىلدىڭ باسىنان بەرى «كۇمىس جاس» جوباسى اياسىندا ەلۋدەن اسقان 10 مىڭعا جۋىق ادام جۇمىسقا ورنالاستىرىلدى
2024 جىلعى 1 ساۋىردەگى جاعداي بويىنشا «كۇمىس جاس» جوباسى بويىنشا 9،9 مىڭ ادام جۇمىسقا ورنالاستىرىلدى. 2024 جىلى وسى باعىت بويىنشا بارلىعى 19 060 ادامدى جۇمىسقا ورنالاستىرۋ جوسپارلانۋدا.
بۇل جوباعا 50 جاستان اسقان جۇمىسسىز ادامدار زەينەتكەرلىك جاسقا تولعانعا دەيىن قاتىسا الادى. جوباعا قاتىسۋ ءۇشىن مانساپ ورتالىعىنا ءوتىنىش بەرۋ قاجەت.
«كۇمىس جاس» جوباسىن قارجىلاندىرۋدى ەڭبەك موبيلدىلىگى ورتالىعى جۇمىس بەرۋشىنىڭ جوبا شەڭبەرىندە جۇمىسقا ورنالاستىرىلعان جۇمىسسىزدارعا ەڭبەكاقى تولەۋگە جۇمساعان شىعىندارىنىڭ ءبىر بولىگىن وتەۋگە سۋبسيديالار بەرۋ جولىمەن جۇزەگە اسىرادى. سۋبسيديالار مولشەرى: جۇمىستىڭ ءبىرىنشى جىلىندا جالاقى مولشەرىنىڭ 70% (ءبىراق 30 اەك-تەن اسپايتىن)، جۇمىستىڭ ەكىنشى جىلىندا جالاقى مولشەرىنىڭ 65% (ءبىراق 30 اەك-تەن اسپايتىن)، جۇمىستىڭ ءۇشىنشى جىلىندا جالاقى مولشەرىنىڭ 60% (ءبىراق 30 اەك-تەن اسپايتىن) قۇرايدى.
«كۇمىس جاس» جوباسىنا قاتىسۋ مەرزىمى اياقتالعاننان كەيىن جۇمىس بەرۋشى زەينەتكەرلىك جاسقا تولماعان ادامدى كەمىندە 1 جىل مەرزىمگە تۇراقتى جۇمىس ورنىنا، سونداي-اق زەينەتكەرلىك جاسقا دەيىنگى ادامدى زەينەتكە شىققانعا دەيىن جۇمىسقا ورنالاستىرۋعا مىندەتتى.
«كۇمىس جاس» جوباسى بويىنشا جۇمىسقا ورنالاسقانداردىڭ ەڭ كوپ سانى تۇركىستان وبلىسىندا – 1،8 مىڭ ادام، جامبىل وبلىسىندا – 896 ادام، اباي وبلىسىندا – 619 ادام جانە شىمكەنت قالاسىندا – 689 ادام بايقالادى. جوباعا قاتىساتىن ايەلدەردىڭ ۇلەسى 55،6% نەمەسە 5،5 مىڭ ادامدى، اۋىل تۇرعىندارىنىڭ ۇلەسى – 5،7 مىڭ ادامدى نەمەسە 58،2% قۇرايدى.
رەسپۋبليكا بويىنشا ورتاشا جالاقى مولشەرى 135،6 مىڭ تەڭگەنى قۇرادى، وسى ءماننىڭ ەڭ جوعارى كورسەتكىشى – شىعىس قازاقستان (202،7 مىڭ تەڭگە)، قىزىلوردا (180 مىڭ تەڭگە) وبلىستارىندا جانە استانا قالاسىندا (177،6 مىڭ تەڭگە)، ەڭ تومەن كورسەتكىشى – باتىس قازاقستان وبلىسىندا (100 مىڭ تەڭگە) جانە الماتى قالاسىندا (98،3 مىڭ تەڭگەدەن).
كوپتەگەن قازاقستاندىق جوباعا قاتىسۋ تۋرالى وڭ پىكىردە.
گۇلمارجان ناۋرزالييەۆا 59 جاسىندا ماماندىعى بويىنشا جۇمىس تاپتى. ءقازىر ول «زەردەلى» اقىل-وي دامىتۋ ورتالىعى» دك باس بۋحگالتەر بولىپ جۇمىس ىستەيدى.
«وتكەن جىلى جۇمىس ىزدەپ استانا قالاسىنىڭ مانساپ ورتالىعىنا جۇگىندىم. باستاۋ ءۇشىن مەن جۇمىسسىز ادام رەتىندە تىركەلدىم، سودان كەيىن ماعان سايكەس جۇمىس ورنىن تاڭداۋ باستالدى. «كۇمىس جاس» جوباسى بويىنشا «زەردەلى» اقىل-وي دامىتۋ ورتالىعى» دك بەرىلگەن باعىت بويىنشا اڭگىمەلەسۋدەن ءوتتى جانە وسى كۇنگە دەيىن مۇندا باس بۋحگالتەر بولىپ جۇمىس ىستەيمىن»، – دەپ ءبولىستى گ. ناۋرزالييەۆا.
ونىڭ ايتۋىنشا، «كۇمىس جاس» جوباسى ءوزىن قاجەتتى جانە سۇرانىسقا يە مامان رەتىندە سەزىنۋگە مۇمكىندىك بەردى. ەلوردادا 2024 جىلى «كۇمىس جاس» جوباسى بويىنشا مىڭنان استام ادامدى جۇمىسقا ورنالاستىرۋ جوسپارلانۋدا.
ەستەرىڭىزگە سالا كەتەيىك، توتەنشە جاعداي جاريالانعان اۋداندار مەن قالالاردا سۋبسيديالاناتىن جۇمىس ورىندارىنا جۇمىسقا ورنالاسقان قازاقستاندىقتار جالاقىنى وزگەرىسسىز الۋدى جالعاستىرادى. توتەنشە جاعداي كەزەڭىندە سۋبسيديالاناتىن جۇمىس ورىندارىنا جۇمىسقا ورنالاستىرىلعان جۇمىسسىز ادامداردىڭ جالاقىسىن ەڭبەك موبيلدىلىگى ورتالىعى جۇمىس بەرۋشىلەردەن مالىمەتتەر تالاپ ەتپەي تولەيتىن بولادى.