مادەنيەت جانە اقپارات مينيسترلىگى قازاقستاننىڭ ەلتاڭباسىن وزگەرتۋ ماسەلەسى جاقىن ارادا قاراستىرىلمايتىنىن مالىمدەدى، دەپ حابارلايدى اlmaty-akshamy.kz vlast.kz-كە سىلتەمە جاساپ.
«ماسەلە كۇن تارتىبىنەن شىعارىلدى» دەپ حابارلادى مادەنيەت مينيسترلىگى.
15 ناۋرىزدا ۇلتتىق قۇرىلتاي وتىرىسىندا قاسىم-جومارت توقايەۆ قازىرگى ەلتاڭبانى قابىلداۋ تىم قيىن ەكەنىن جانە ونىڭ قۇرامىندا كەڭەس ءداۋىرىنىڭ ەكلەكتيكاسى مەن بەلگىلەرى بارىن ايتقان بولاتىن. ول قوعامدىق تالقىلاۋلار وتكىزۋ ءۇشىن ارنايى كوميسسيا قۇرۋدى، سودان كەيىن قازاقستاننىڭ جاڭا مەملەكەتتىك ەلتاڭباسىنىڭ ەڭ ۇزدىك ەسكيزىنە اشىق كونكۋرس جاريالاۋدى ۇسىندى.
ءساۋىر ايىنىڭ باسىندا قارجى ءمينيسترى ءمادي تاكييەۆ سۋ تاسقىنىنا بايلانىستى ەلتاڭبانى وزگەرتۋ تۋرالى شەشىمدى كەيىنگە قالدىرۋ كەرەك دەگەن پىكىر ءبىلدىردى. ال قارجى مينيسترلىگى قۇزىرلى ورگاننىڭ ساۋالىنا بەرگەن جاۋابىندا بيىل مادەنيەت مينيسترلىگى جاڭا ەلتاڭبا شىعارۋعا كەتەتىن شىعىندى جاريالاماعانىن ايتتى.