قازاقستاننىڭ ەڭ كونە تەاترلارىنىڭ ءبىرى، استانا قالاسىنداعى م.گوركيي اتىنداعى مەملەكەتتىك اكادەميالىق ورىس دراما تەاترى الماتى قالاسىنا گاسترولدىك ساپارمەن كەلەدى.
24-28 قىركۇيەك ارالىعىندا وڭتۇستىك مەگاپوليس تۇرعىندارى مەن قوناقتارى ەلوردالىقتاردىڭ ورىنداۋىنداعى قويىلىمداردى تاماشالاي الادى. سپەكتاكلدەر ع.مۇسىرەپوۆ اتىنداعى بالالار مەن جاسوسپىرىمدەر تەاترىنىڭ ساحناسىندا وتەدى.
بۇل ساپار بارىسىندا تەاتر رەپەرتۋارىندا ا.وستروۆسكييدىڭ "گروزا" دراماسى، ن.گوگولدىڭ "جەنيتبا" كومەدياسى، ە.روستاننىڭ "سيرانو دە بەرجەراك" رومانتيكالىق دراماسى، كەڭەس وداعىنىڭ باتىرى ءاليا مولداعۇلوۆاعا ارنالعان "ءاليا" دراماسى جانە "جيزن بەز…" سيۋررەاليستىك قويىلىمى بار. الماتى كورەرمەندەرى ءۇشىن ەڭ تانىمال ءارى جوعارى باعاعا يە سپەكتاكلدەر ۇسىنىلادى.
سونداي-اق، بالالارعا ارنالعان ت.ۋفيمسيەۆا قويعان "ششەلكۋنچيك" ەرتەگىسى 25-28 قىركۇيەك ارالىعىندا كورسەتىلەدى. بۇل ەرتەگىنىڭ پرەمەراسى جاقىندا وتكەن بولاتىن.
الماتىداعى سوڭعى گاسترولدەردەن بەرى بەس جىل ءوتتى، سوندىقتان بۇل ساپار كورەرمەندەرگە تەاتر رەپەرتۋارىندا بولعان جاڭارتۋلاردى كورسەتۋگە ۇلكەن مۇمكىندىك بولماق.
بۇل گاسترولدىك ساپارلار تەاتردىڭ 124ء-شى ماۋسىمى قارساڭىندا وتكىزىلىپ، اكتەرلەر الماتىنىڭ كورەرمەندەرىنە جاڭا اسەر سىيلاۋدى ماقسات ەتىپ وتىر.
م.گوركيي اتىنداعى تەاتر 1899 جىلى قۇرىلعان، بىرنەشە ونداعان ەلدەرگە گاسترولدىك ساپار جاساپ، حالىقارالىق بايقاۋلار مەن فەستيۆالدەردىڭ جەڭىمپازى اتانعان تەاتر ۇجىمى رەتىندە تانىمال.
قوسىمشا اقپارات پەن سۇراقتار بويىنشا: الەكساندرا كۋستوۆسكايا: 8-701-620-04-08 يۋليا كيم: 8-747-172-19-78