سەبەپ – قاتتى بوران، 20 م/س ەكپىندەگى جەل
نۇر-سۇلتاندا اۋا رايىنىڭ ناشارلاۋىنا بايلانىستى قالاعا كىرەتىن بىرنەشە جول جابىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«112» قۇتقارۋ قىزمەتى 11:00-دە نۇر-سۇلتان - تەمىرتاۋ تاسجولىنىڭ جابىلعانى تۋرالى حابارلادى. سەبەپ – قاتتى بوران، 20 م/س ەكپىندەگى جەل.
40 مينۋتتان كەيىن استانادان ەرەيمەنتاۋعا قاراي شىعاتىن جولدىڭ جابىلعانى بەلگىلى بولدى.
ال 11:43-تە نۇر-سۇلتان - اتباسار تاسجولىندا قوزعالىس شەكتەلگەنى حابارلاندى.
ساعات 12:06-دا بوراننان شۋچينسكىگە اپاراتىن تراسسادا كولىكتىڭ جۇرۋىنە تىيىم سالىندى.
بۇدان بولەك، پاۆلودار وبلىسىندا بوراننان جولدىڭ كورىنبەۋى سالدارىنان نۇر-سۇلتان - ەرەيمەنتاۋ - شىدەرتى تاسجولىندا قوزعالىس توقتاتىلدى.
ەسكە سالا كەتەيىك، 13 ناۋرىز كۇنى قازاقستاننىڭ بارلىق دەرلىك وڭىرىندە اۋا رايىنا بايلانىستى ەسكەرتۋ جاريالاندى.
13:20-داعى جاعداي بويىنشا، ەلوردادا جەل سوعىپ تۇر، قار ۇشقىنى بايقالادى. اۋا تەمپەراتۋراسى – مينۋس بەس گرادۋس.