ەلوردادا قازاق ءتىلدى كونتەنت جاساۋشىلاردىڭ فورۋمى بولىپ جاتىر

«قازاق ينتەرنەتى: بۇگىنى مەن بولاشاعى» اتتى جيىندا ءقازاقتىلدى مەديانى دامىتۋدىڭ جاڭا ترەندتەرى جايىندا ءسوز بولادى.

نۇر-سۇلتان قالاسىندا قازاق تىلىندە ونلاين-كونتەنت جاساۋشىلاردىڭ V فورۋمى ءوتىپ جاتىر، دەپ حابارلايدى Almaty-akshamy.kz  الماتى ارناسىنا سىلتەمە جاساپ.

قازاق تىلىندە ۇسىنىلاتىن كونتەنتتىڭ ەڭ وزەكتى ماسەلەلەرىن ساراپشىلار مەن جۋرناليستەر، بلوگەرلەر مەن بەينە-كونتەنت جاساۋشىلار تالقىلايدى.

QAZFORUM باستاماشىسى جانە يدەيالىق قولداۋشىسى – اقش-تىڭ قازاقستانداعى ەلشىلىگى، ۇيىمداستىرۋشى – «Business Event&Rent» اگەنتتىگى.

فورۋمدا «پاندەميا كەزىندەگى مەديا-ترەندتەر» تۋرالى پىكىر الماسۋ بولادى.

وندا COVID پاندەمياسى تەك ينفودەميانى عانا الىپ كەلدى مە؟ الدە بۇل جاعىمدى تاجىريبە بولدى ما؟ ءبىز قانداي ساباق الدىق؟ ءبىزدى قانداي مەديا ترەندتەر كۇتىپ تۇر؟ وسى سىندى مەديانىڭ وزەكتى ماسەلەلەرى تالقىلانادى.

QAZFORUM ونلاين-باق رەداكتورلارى ءۇشىن شاعىن ءىس-شارادان ەلىمىزدەگى قازاق تىلىندەگى مەديا، ونىڭ قوعام دامۋىنداعى ءرولى، ب ا ق پەن ونلاين-مەديا الدىندا تۇرعان وزەكتى كۇن ءتارتىبىن جانە قازىرگى زامانعى سىن-قاتەرلەردى تالقىلايتىن  ءىرى پىكىرتالاس الاڭىنا اينالدى. جىل سايىن ۇيىمداستىرۋشىلار قاتىسۋشىلارعا وزەكتى ماسەلەلەردى تالقىلاۋدى جانە حالىقارالىق تاجىريبە نەگىزىندە قازاقستاندىق مەديا-نارىقتىڭ دامۋ پەرسپەكتيۆالارىن ايقىنداۋدى ۇسىنادى.