ونىڭ ىشىندە 14 جاسقا دەيىنگى بالالار سانى ۇشەۋ.
تاماقتان ۋلانۋ بەلگىلەرىنىڭ ينكۋباسيالىق كەزەڭى 30 مينۋتتان 24 ساعات ارالىعىندا بايقالۋى مۇمكىن، دەپ حابارلايدى Almaty-akshamy.kz سانيتاريالىق-ەپيدەميولوگيالىق باقىلاۋ كوميتەتىنە سىلتەمە جاساپ.
تاماقتان ۋلانۋ – قوزدىرعىشتارمەن جانە ولاردىڭ توكسيندەرىمەن (90-95% جاعدايدا) نەمەسە ميكروبتىق ەمەس سيپاتتاعى ۋلى زاتتارمەن لاستانعان تاعامدى تۇتۇنۋ ناتيجەسىندە پايدا بولاتىن جەدەل اۋرۋ. باسقاشا ايتقاندا، تاعامنان ۋلانۋ ميكروبتىق نەمەسە ميكروبتىق ەمەس بولۋى مۇمكىن.
وسىلايشا، جىل باسىنان بەرى ەلوردادا قوعامدىق تاماقتانۋ وبەكتىلەرى بويىنشا تاماقتان ۋلانۋ جاعدايلارى تىركەلگەن. ناتيجەسىندە 72 ادام زارداپ شەكتى، ونىڭ ىشىندە 14 جاسقا دەيىنگى بالالار سانى ۇشەۋ. سونىمەن قوسا، اۋا-رايىنىڭ جىلىنۋ مەرزىمە سايكەس تاعامدى دۇرىس ساقتاماۋ ناتيجەسىندە تۇرعىندار اراسىندا بىرەن-ساران (ءبىر رەتتىك) ءۇي جاعدايىندا تاماقتان ۋلانۋ جاعدايلارى ءجيى تىركەلۋدە.
ايتا كەتەيىك، تاماقتان ۋلانۋ بەلگىلەرىنىڭ ينكۋباسيالىق كەزەڭى 30 مينۋتتان 24 ساعات ارالىعىندا بايقالۋى مۇمكىن. دەگەنمەن، كوپ جاعدايلاردا ۋلانۋ بەلگىلەرى 2-6 ساعات ارالىعىندا ايقىن كورىنىپ جاتادى. ناۋقاستىڭ بويىندا جۇرەك اينۋ، قۇسۋ، ديارەيا (ءىش ءوتۋ)، السىزدىك، ۇيقى قاشۋ، اسقازان نەمەسە ىشەك اۋرۋى، باس اۋرۋى، دەنە قىزۋىنىڭ كوتەرىلۋى سياقتى بەلگىلەر پايدا بولادى.
جالپى سىرقاتتانۋدىڭ كەزەڭى ادام اعزاسىنىڭ جاسىنا جانە جالپى جاعدايىنا، باكتەريالاردىڭ نەمەسە توكسيندەردىڭ الۋان تۇرىنە، قابىلدانعان تاماق مولشەرىنە بايلانىستى. ەرەسەكتەرگە قاراعاندا كىشكەنتاي بالالاردا اۋرۋ اعىمى الدەقايدا اۋىر تۇردە وتەتىنىن اتاپ ءوتۋ قاجەت.
وسىعان بايلانىستى، ەلوردانىڭ سانيتاريالىق-ەپيدەميولوگيالىق باقىلاۋ دەپارتامەنتى تۇرعىنداردى ءوزىن-وزى ەمدەۋمەن اينالىسپاۋعا، ەمدەۋ كۋرسىن تاعايىنداۋ جانە ىقتيمال اسقىنۋلاردى بولدىرماۋ ءۇشىن دارىگەرگە ۋاقتىلى جۇگىنۋگە شاقىرادى.