مۇناي-گاز سالاسىنداعى ماڭىزدى شاراعا الەم ەلدەرىنەن 156 كومپانيا قاتىسۋدا
«EXPO» حالىقارالىق كورمە ورتالىعىندا ءوتىپ جاتقان شاراعا ءوز ەلىمىزدەن بولەك رەسەي، بەلارۋس، اۆستريا، باحرەين، ۇلىبريتانيا، گەرمانيا، نيدەرلاندى جانە حورۆاتيادان ءجۇز ەلۋدەن استام كومپانيا قاتىسىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
كورمەگە قويىلعان ەكسپوزيسيانىڭ جالپى اۋدانى - 2700 شارشى مەتر. ۇيىمداستىرۋشىلاردىڭ ايتۋىنشا، كورمەگە كەلۋشىلەر مۇناي جانە گاز سالاسىنا قاتىستى سوڭعى تەحنولوگيالارمەن تانىسۋمەن قاتار، سالا ماماندارىمەن تىلدەسىپ، تاجىريبە الماسا الادى.
«KIOGE» كورمەسى ەلوردادا العاش رەت ۇيىمداستىرىلىپ وتىر. بۇل - مۇناي جانە گاز سالاسىنداعى ماڭىزدى شارا. حالىقارالىق كورمە ەكى جىلدا ءبىر رەت وتەدى جانە بيىلعى شاراعا 9 ەلدەن 120-دان استام كومپانيا قاتىسىپ جاتىر. كورمەنىڭ بىزگە بىرەر پايداسى - شەتەلدىك وزىق كومپانيالارمەن بىرلەسىپ جۇمىس ىستەۋ مۇمكىندىگى مەن ولاردىڭ زاماناۋي نوۋ-حاۋلارىن وزىمىزگە تارتۋ. سونىمەن قاتار وسى شارا ارقىلى مۇناي جانە گاز سالاسىنداعى وتاندىق كومپانيالارعا ۇلكەن مۇمكىندىك بەرىلىپ، ولار حالىقارالىق ءىرى كومپانيالارمەن بايلانىس ورناتىپ، ءوزارا تاجىريبە الماسا الادى. الداعى ۋاقىتتا حالىقارالىق كورمەگە قاتىسۋشى كومپانيالاردىڭ سانى كوبەيىپ، اياسى كەڭەيە تۇسەدى دەپ ويلايمىن»، - دەدى ق ر ەنەرگەتيكا ءمينيسترى ماعزۇم مىرزاعالييەۆ كورمەنىڭ اشىلۋ سالتاناتىندا.
سونداي-اق، مينيستر كورمەنى ارالاپ، وعان قويىلعان ونىمدەرمەن تانىسىپ ءوتتى. ودان بولەك، وسىمەن 27ء-شى رەت ءوتىپ وتىرعان حالىقارالىق كورمە اياسىندا دوڭگەلەك ۇستەلدەر مەن سەمينارلار ۇيىمداستىرىلادى دەپ كۇتىلۋدە. ايتا كەتەيىك، ەلورداداعى KIOGE كورمەسى ەكى كۇنگە سوزىلادى.