ەلوردا پوليسەيلەرى كوپىردەن سەكىرمەك بولعان ەر ادامدى قۇتقاردى

29 جاستاعى جىگىتتى وسىنداي ارەكەتكە نە يتەرمەلەگەنى انىقتالىپ جاتىر

نۇر-سۇلتان قالاسىنىڭ پوليسەيلەرى كوپىردەن سەكىرمەك بولعان ەر ادامدى قۇتقاردى. بۇل تۋرالى نۇر-سۇلتان قالالىق پوليسيا دەپارتامەنتى ءمالىم ەتتى، دەپ حابارلايدى Almaty-akshamy.kz.

دەپارتامەنت مالىمەتىنشە، بۇگىن ساعات 7:22-دە جەدەل باسقارۋ ورتالىعىنىڭ «102» ارناسىنا قابانباي باتىر داڭعىلىندا ەر ادامنىڭ كوپىردەن تومەن سەكىرمەك بولعانى تۋرالى قوڭىراۋ كەلىپ تۇسكەن. ەلوردالىق پوليسەيلەر وقيعا ورنىنا دەرەۋ جەتكەن. پوليسيا قىزمەتكەرلەرى اتالعان ازاماتتى سوزگە تارتپاق بولعانىمەن ول بارىنشا قارسىلىق كورسەتىپ، مۇلدەم مامىلەگە كەلمەگەن. سودان كەيىن پوليسيا اعا لەيتەنانتى قايرات قۇسنەدەنوۆ ەر ادامدى قاتتى ۇستاپ الىپ، ءقاۋىپسىز جەرگە شىعارعان.

«ءبىز ەكيپاج قۇرامى وقيعا ورنىنا دەرەۋ جەتتىك. سول كەزدە قورشاۋدىڭ ارعى جاعىندا ەر ادامنىڭ جىلاپ، وزىنە ەشكىمدى جاقىنداتپاي تۇرعانىن كوردىك. ساناۋلى سەكۋندتاردا مەن ەر ادامعا جاقىنداپ، ونى ۇستاپ الدىم. سول كەزدە ارىپتەستەرىم دە كەلدى. ەر ادامنىڭ قولىمىزدان جۇلقىنىپ شىعىپ كەتپەك بولعانىنا قاراماستان، ونى قايتادان كوپىرگە الىپ شىقتىق. ءمان-جايدى انىقتاۋ ءۇشىن ونى «ەسىل» اۋدانىنىڭ پوليسيا باسقارماسىنا جەتكىزدىك»، - دەيدى پاترۋلدىك پوليسيا پولكىنىڭ قىزمەت ينسپەكتورى قايرات قۇسنەدەنوۆ.

29 جاستاعى جىگىتتى وسىنداي ارەكەتكە نە يتەرمەلەگەنى انىقتالىپ جاتىر.