استانا بيىل 25 جاسقا تولدى. ايتۋلى كۇندى بارشا قاۋىم ەرەكشە كوڭىل-كۇيمەن، ۇلكەن قۋانىشپەن اتاپ ءوتتى. الماتى قالاسىنىڭ تۇرعىندارى مەن قوناقتارى بۇل جولى دا ەستەن كەتپەس قىزىقتىڭ كۋاسى بولدى.
رەسپۋبليكا سارايىنىڭ جانىنداعى اباي الاڭىندا ەسترادا جۇلدىزدارىنىڭ قاتىسۋىمەن كونسەرت ۇيىمداستىرىلدى. اتالمىش ءىس-شاراعا 101 توبى، پارۆيز نازاروۆ، كەشيۋ توبى، ۇركەر توبى، ايدانا مەدەنوۆا، نۇرجان كەرمەنبايەۆ، سەرىك يبراگيموۆ جانە ت.ب. سىندى انشىلەر ونەر كورسەتتى. اسپانى انگە اۋەلەگەن الماتىنىڭ كەشكى كورىنىسى قالا تۇرعىندارىنا قۋانىش سىيلادى.
اپتا ورتاسىندا وتكىزىلگەن مەرەكەلىك شارالار تۇرعىندارعا باقىت-بەرەكە مەن قۋانىش سىيلادى. انگە بولەگەن مەرەكە ودان ءارى كونسەرتتىك باعدارلاماعا ۇلاسىپ، قالا انشىلەرى الاڭعا جينالعان قاۋىمعا ءوز ونەرىن پاش ەتتى. وسىمەن الماتى قالاسىنىڭ جاستارى ءتۇرلى سپورتتىق سايىستارعا بەلسەنە ارالاسىپ، ءوز- ونەرلەرىن ورتاعا سالدى