ناۋرىزباي اۋدانى اكىمدىگىنىڭ جانىنداعى الاڭدا ەلوردا كۇنى ەرەكشە تويلاندى. مەرەكە قارساڭىندا اۋدان تۇرعىندارى مەن قالا قوناقتارىنا ارنالعان ەسترادا جۇلدىزدارى مەن اۋدانداعا ونەرپازداردىڭ قاتىسۋىمەن 2 ساعاتتىق كونسەرتتىك باعدارلاما ۇيىمداستىرىلدى. كءوپبالالى انالاردىڭ ۇلتتىق بۇيىمدار مەن توسەك جابدىقتارىنىڭ كورمەسى قويىلدى.
سونداي-اق، "Bilim club" ونەر ورتالىعىنىڭ 100 جاس سۋرەتشىلەرىنىڭ تۋىندىلارى قالا جۇرتشىلىعىنا ۇسىنىلدى. شاحماتتان سپورتتىق سايىس، بالاباقشا بۇلدىرشىندەرى اراسىندا اسفالتتا سۋرەت سالۋ سايىسى وتكىزىلدى. سونىمەن قاتار، بالالار ويىن الاڭدارى مەن قوعامدىق تاماقتانۋ ورىندارى ۇيىمداستىرىلدى. جاڭا عاسىر قالاسى، بەيبىتشىلىك مەكەنى رەتىندە تانىلىپ كەلەدى.
ەندەشە، بۇگىندە قازاق ەلىنىڭ ەلورداسى بولۋىمەن قاتار حالىقارالىق القالى جيىنداردىڭ دا ورداسىنا اينالعان ەل استاناسىنىڭ مەرەيى تاسىپ، بەدەلى اسقاقتاي بەرسىن دەپ تىلەيىك.
اتالعان شاراعا 3000-عا جۋىق ادام قاتىستى.