اۋەجايدىڭ باسپا ءسوز قىزمەتى وسى جاعدايعا قاتىستى تۇسىنىكتەمە بەردى
قازاقستاندىقتار WhatsApp مەسسەندجەرىندە نۇرسۇلتان نازاربايەۆ حالىقارالىق اۋەجايىنىڭ سايتىنا حاكەرلىك شابۋىل جاسالىپ، قازاقستان ارقىلى ترانزيتپەن ۇشقان رەسەيلىك ۇشاقتارعا «توقتا» سيگنالى جىبەرىلگەنى تۋرالى اقپارات تاراتىپ جاتىر، دەپ حابارلايدى Almaty-akshamy.kz Stopfake اقپارات رەسۋرسىنا سىلدتەمە جاساپ.
اۋەجايدىڭ باسپا ءسوز قىزمەتى وسى جاعدايعا قاتىستى تۇسىنىكتەمە بەردى.
«نۇرسۇلتان نازاربايەۆ حالىقارالىق اۋەجايى بۇگىن ساعات 12:20-دا nn-airport.kz سايتىنا بىرنەشە رەت سۇراۋ سالۋ ارقىلى شابۋىل جاسالعانىن حابارلادى. شابۋىلعا تويتارىس بەرىلدى جانە سايتتىڭ جۇمىسى 13:20-دا قالپىنا كەلتىرىلدى. سايت ەشقانداي حابارلاما جىبەرمەيدى، مۇنداي قىزمەتى جوق»، – دەيدى ەلوردا اۋەجايىنىڭ باسپا ءسوز حاتشىسى ءانۋار شالەكەنوۆ.