الماتىدا موپەد ۇرىلارى ۇستالدى

ءقازىر كۇدىكتىلەردىڭ باسقا دا ۇرلىق ارەكەتتەرىنە قاتىستىلىعى دالەلدەنىپ جاتىر

قازىرگى ۋاقىتتا جەدەل ۋاكىلدەر «قىلمىستىق تورتتىكتىڭ» بوتەننىڭ مۇلكىن ۇرلاۋدىڭ بەس دەرەگىنە قاتىستىلىعىن دالەلدەپ وتىر، دەپ حابارلايدى Almaty-akshamy.kz الماتى قالالىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

ناۋرىزباي اۋداندىق پوليسيا باسقارماسىنىڭ باستىعى، پوليسيا پولكوۆنيگى ديدار احانوۆ وسى جىلدىڭ ناۋرىز ايىنان باستاپ بولىمشەگە موپەد ۇرلىعى تۋرالى العاشقى ارىزدار تۇسە باستاعانىن ايتادى. ۇستالعان كۇدىكتىلەردىڭ جەكە باسى انىقتالعان جانە ءقازىر قاماۋدا وتىر.  

«ولاردىڭ قىلمىستارىنىڭ بارلىعى دەرلىك بەينەكامەراعا ءتۇسىپ قالعان.  كۇدىكتىلەر تۇنگى ۋاقىتتا كوپقاباتتى ۇيلەردىڭ اۋلالارىندا قاراۋسىز قالعان كولىك قۇرالدارىن «انىقتاپ»، ولاردى ۇرلاعاندارىن جانە جاسىرعاندارىن ءتۇسىندىردى.  كەيىن قايتا ساتقان.  وسىلايشا، قاسكويلەر ەكى موپەدتى ساتىپ ۇلگەردى، تاعى ۇشەۋى تاركىلەنىپ، ايعاق رەتىندە قىلمىستىق ءىس ماتەريالدارىنا قوسىلدى.  ۇستالعاندار، قازاقستاننىڭ ءارتۇرلى وبلىستارىنىڭ تۋمالارى، 1997،1998،2000 جانە 2003 جىلى تۋعاندار.  ولاردىڭ بىرەۋى جاس بولا تۇرا وسىعان ۇقساس قىلمىستار ءۇشىن سوتتى بولعان،-دەدى ول.  

ءقازىر كۇدىكتىلەردىڭ باسقا دا ۇرلىق ارەكەتتەرىنە قاتىستىلىعى دالەلدەنىپ جاتىر.  ودان ءارى جەدەل جانە تەرگەۋ شارالارى جۇرگىزىلۋدە.