استانا قالاسىنىڭ اۋەجايىندا كولىك ۆيسە-مينيسترى تالعات لاستايەۆتىڭ توراعالىعىمەن مۇددەلى مەملەكەتتىك ورگاندار مەن ۇيىمداردىڭ قاتىسۋىمەن ۇشۋ-قونۋ جولاعىن قايتا جاڭارتۋعا دايىندىق ماسەلەسى بويىنشا كەڭەس ءوتتى.
اۋەجايدىڭ قولدانىستاعى ۇشۋ-قونۋ جولاعى 20 جىل بۇرىن پايدالانۋعا بەرىلگەن جانە وسى ۋاقىتقا دەيىن تەك اەرودروم جابىندارىنا اعىمداعى جوندەۋ جۇمىستارى جۇرگىزىلگەن، دەپ حابارلايدى Almaty-akshamy.kz كولىك مينيسترلىگىنە سىلتەمە جاساپ.
ۇشۋ-قونۋ جولاعىن قايتا قۇرۋ اۋەجايدى ينۆەستورعا سەنىمگەرلىك باسقارۋعا بەرۋ كەزىندەگى نەگىزگى جانە ءبىرىنشى كەزەكتەگى مىندەتتەردىڭ ءبىرى بولدى.
Terminals Holding كومپانياسى الداعى دايىندىق جانە قۇرىلىس-مونتاجداۋ جۇمىستارىنىڭ كەستەسى تۋرالى حاباردار ەتتى، وعان سايكەس قايتا قۇرۋ جۇمىستارى ناۋرىز ايىنىڭ سوڭىنا دەيىن باستالادى دەپ جوسپارلانۋدا.
ايتا كەتۋ كەرەك، جوبانى ىسكە اسىرۋ ينۆەستوردىڭ جەكە قاراجاتى ەسەبىنەن جۇزەگە اسىرىلادى جانە 2025 جىلدىڭ كوكتەمىندە اياقتالادى.
ۇشۋ-قونۋ جولاعىن قايتا قۇرۋ ۇشۋ قاۋىپسىزدىگىن ارتتىرادى جانە اۋە ايلاعىنىڭ ترانزيتتىك الەۋەتىن ارتتىرۋعا ىقپال ەتەدى.
ءوز كەزەگىندە مينيسترلىك اۋەجايدا رەيستەردى توتاتپاي جۇمىس جۇرگىزۋ قاجەتتىگى تۋرالى ايتتى.