الماتىلىق قۇتقارۋشىلار سۋ ايدىندارىنداعى قاۋىپسىزدىك شارالارى تۋرالى ەسكەرتەدى جانە كەڭەستەرىمەن بولىسەدى
ەگەر ءسىز تۋريستىك ساپارعا شىقساڭىز، قاۋىپسىزدىك شارالارىن ساقتاۋ - ەڭ قاجەتتى شارتتاردىڭ ءبىرى. بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا ق ر تجم رەسپۋبليكالىق جەدەل-قۇتقارۋ جاساعىنىڭ سۇڭگۋىر-قۇتقارۋ بولىمشەسىنىڭ باسشىسى اندرەي بىبچەنكو جانە ق ر تجم رەسپۋبليكالىق جەدەل-قۇتقارۋ جاساعىنىڭ باس قۇتقارۋشىسى ءبىرجان بايقۇلوۆ ايتىپ بەردى، دەپ حابارلايدى almaty-akshamy.kz
اندرەي بىبچەنكو اتاپ وتكەندەي، قىس مەزگىلىندە توتەنشە جاعدايلاردىڭ نەگىزگى سەبەپتەرى: بالىق اۋلاۋ كەزىندە مۇزداعى قاۋىپسىزدىك تالاپتارىن ساقتاماۋ، جۇقا مۇز ۇستىمەن كولىكپەن ءجۇرۋ جانە بالالاردى ەرەسەكتەردىڭ قاراۋىنسىز قالدىرۋ.
جۋرناليستەر جۇقا جانە بەرىك مۇزدى قالاي انىقتاۋعا بولادى دەگەن ساۋال قويدى.
«مۇزدى تۇسىنە قاراپ بىلۋگە بولادى. ەڭ بەرىك مۇزدىڭ ءتۇسى ءمولدىر، كوگىلدىر نەمەسە كوك بولادى. ال سۇر، سارى، جاسىل، باسقا تۇستەر مۇزدىڭ جۇقا ەكەنىن بىلدىرەدى. مۇزدىڭ قانشالىقتى بەرىك ەكەنىن بۇرعىلاۋ جانە قالىڭدىعىن ولشەۋ كەزىندە عانا جۇرگىزۋگە بولادى. ەگەر مۇزداعى قار جامىلعىسى بولسا، وندا سۋ قويمالارىندا، سونداي-اق قىسقى بالىق اۋلاۋ كەزىندە بەلگىلى ءبىر قاۋىپسىزدىك ەرەجەلەرى بار. تاياق الىپ جۇرگەنىڭىز جاقسى. جاياۋ سەرۋەندەۋ كەزىندە ءسىز مۇزدىڭ بەرىكتىگىن تاياقپەن ۇرىپ كورۋ ارقىلى انىقتاي الاسىز. سونداي - اق مۇزدا بولۋى مۇمكىن شۇڭقىرلار مەن كەدەرگىلەردى بىلە الاسىز»، - دەپ ءبولىستى ا. بىبچەنكو.
سونىمەن قاتار، قىس مەزگىلىندە تاۋعا شىعۋ كەزىندە ەرەكشە قىراعالىق پەن دايىندىق قاجەت. ءقاۋىپسىز ساپار تۋرالى ۇسىنىستاردى ەسكە سالا وتىرىپ، قۇتقارۋشىلار نەگىزگى شارالاردى اتاپ ءوتتى.
«ارينە، كەز-كەلگەن جەرگە بارعان كەزدە (تاۋلى، دالا، ورمان) سول جەردىڭ ەرەكشەلىگىن ەسكەرۋ كەرەك (قارلى جەر، سۋىنىڭ كوپتىگى، جاۋىن-شاشىن ەسكەرىلۋى كەرەك). سوعان قاراي ءبىز وزىمىزبەن بىرگە الىپ جۇرەتىن جابدىقتار مەن كيىمدەردى تاڭداي باستايمىز. ريۋكزاكتا بولۋى كەرەك ەڭ قاجەتتى زاتتار: قوسىمشا جىلى شۇلىقتار، سۋ وتكىزبەيتىن قولعاپتار، جىلى كۋرتكا، قالپاقشالار، كۇننەن قورعايتىن كوزىلدىرىك، ويتكەنى قىستا كۇن كوزدى قاريدى. سونداي-اق سىرىڭكە، پىشاق، فونار جانە قوسىمشا باتارەيالار دا كەرەك. ۇيالى تەلەفونعا قانداي دا ءبىر قوسىمشا قاۋاتتاۋ قۇرىلعىسى، ويتكەنى ولار قاتىپ سۋىقتا قۋاتى تاۋىسىلىپ قالادى. ەگەر ءسىز كومەك سۇراعىڭىز نەمەسە قوڭىراۋ شالعىڭىز كەلسە، باتارەيا وتىرىپ قالۋى مۇمكىن ەكەنىنە دايىن بولىڭىز»، - دەپ قوستى ا.بىبچەنكو.
رجقج باس قۇتقارۋشىسى ءبىرجان بايقۇلوۆ قىسقى بالىق اۋلاۋ كەزىندەگى قاۋىپسىزدىك شارالارىن ەسكە سالدى. قۇتقارۋشىنىڭ ايتۋىنشا، الدىمەن ق ر اۋماعىندا بەكىتىلگەن بالىق اۋلاۋ ەرەجەلەرىن ساقتاۋ قاجەت-بالىق اۋلاۋعا رۇقسات ەتىلگەن جەرلەردى تاڭداپ، جاعالاۋ بويىنداعى بەلگىلەنگەن بەلگىلەرگە نازار اۋدارۋ قاجەت. قالىڭدىعى 10 سانتيمەتر بولاتىن مۇز جالعىز ءجۇرۋ ءقاۋىپسىز بولىپ سانالادى.
«قىسقى بالىق اۋلاۋ كەزەڭىندە مۇزدىڭ قالىڭدىعىن تانىپ، تەكسەرە ءبىلۋ كەرەك. مۇزدىڭ قالىڭدىعى 7-8 سم بولسا، ونىڭ ۇستىمەن ءبىر ادام عانا جۇرە الادى. ايتا كەتۋ كەرەك، ەل اۋماعىندا بالىق اۋلاۋدىڭ وزىندىك زاڭدى ءتارتىبى بار، وعان نازار اۋدارۋ كەرەك. قاتپاعان مۇزبەن جۇرۋگە جانە كولىكتى قالدىرۋعا بولمايدى»، - دەپ ءبولىستى ول.
بۇعان دەيىن الماتى قالاسى تجد وكىلدەرى حابارلاعانداي، توتەنشە جاعدايلار بولۋى ىقتيمال قالالىق سۋ ايدىندارىندا «ابايلاڭىز، جۇقا مۇز!»، «مۇزدان وتۋگە تىيىم سالىنادى!». وسىعان بايلانىستى قۇتقارۋشىلار قالا تۇرعىندارى مەن قوناقتارىنىڭ قاۋىپسىزدىك شارالارىن بەي-جاي قاراماۋدى ەسكەرتەدى جانە ۇسىنادى.
قىسقى كەزەڭدە توتەنشە جاعدايلاردىڭ الدىن الۋ ءۇشىن (مۇزداعى جازاتايىم وقيعا، كوكتايعاق، قار كوشكىنى، ۇسىك، بوران) قۇتقارۋشىلار پروفيلاكتيكالىق رەيدتەر جۇرگىزەدى. كەڭ اۋقىمدى پروفيلاكتيكالىق جۇمىستاردى جۇرگىزۋ ءۇشىن ءموبيلدى قۇلاقتاندىرۋ كەشەنى ىسكە قوسىلدى. بۇل ءىس-شارالار ادامدار كوپ جينالاتىن جانە قىسقى بالىق اۋلاۋ ورىندارىندا وتكىزىلەدى.