قازاقستاندىق تەننيسشى ەلەنا رىباكينا توكيو وليمپياداسىنا قولا جۇلدەسى ءۇشىن وتكەن ماچتا جەڭىلىپ قالدى، دەپ حابارلايدى almaty-akshamy.kz Olympic.kz سىلتەمە جاساپ.
ەلەنا كىشى فينالدا الەمنىڭ 6-شى راكەتكاسى، ۋكراينالىق ەلينا سۆيتوليناعا قارسى ويناعان بولاتىن.
تارتىستى ماچتىڭ ءبىرىنشى كەزەڭىن 6:1 ەسەبىمەن رىباكينا ءوز ەنشىسىنە جازدى. ەكىنشى سەتتە ويىن تاي-برەيككە دەيىن جالعاسىپ، قازاقستاندىق سپورتشى 6:7 ەسەبىمەن تىزە بۇكتى.
ءۇشىنشى سەتتە ەلەنا رىباكينا 4:1 ەسەبىمەن الدا تۇرىپ، ناتيجەسىندە 4:6 ەسەبىمەن قارسىلاسقا جول بەردى.
وسىلايشا، ەلەنا رىباكينا قولا جۇلدەگە قول جەتكىزە المادى. دەسە دە، قازاقستان تەننيسىنىڭ تاريحىندا العاش رەت وليمپيادادا ءتورتىنشى ورىن يەلەنىپ وتىر.