قوسىمشادا قاجەت انىقتاما مەن اقپاراتتى الىپ، حالىققا قىزمەت كورسەتۋ ورتالىعىنا برون قويۋعا بولادى، دەپ حابارلايدى almaty-akshamy.kz aikyn.kz سىلتەمە جاساپ.
قازىرگى ۋاقىتتا پلاتفورمادا eGov.kz پورتالىنداعى:
- تۇرعىلىقتى جەرى تۋرالى انىقتاما الۋ؛
- جىلجىمايتىن مۇلىكتىڭ بولماۋى (بولۋى)؛
- جىلجىمايتىن مۇلىككە تىركەلگەن قۇقىقتار؛
- زەينەتاقى اۋدارىمدارى؛
- ءارتۇرلى مەديسينالىق ۇيىمنان؛
- شەتەلگە شىعۋعا تىيىم سالۋدىڭ بولۋىن تەكسەرۋ تۋرالى انىقتاما الۋعا بولادى؛
- حقكو-دا كەزەكتى برونداۋ قىزمەتى؛
- كەپىل تۋرالى انىقتامانىڭ بارلىق ءتۇرىن قوسا العاندا ەڭ سۇرانىسقا يە كورسەتىلەتىن قىزمەتتەر قولجەتىمدى.
«قازىرگى ۋاقىتتا مەملەكەتتىك قىزمەتتەر ەكىنشى دەڭگەيدەگى بانكتەردىڭ قوسىمشالارىنا شىعارىلدى. وسىلايشا، ءبىز حالىقتىڭ قىزمەتتەردى وزىنە ىڭعايلى پلاسفورمادا الۋىنا جاعداي جاسايمىز»، – دەدى «ۇلتتىق اقپاراتتىق تەحنولوگيالار» اق باسقارما ءتوراعاسى روستيسلاۆ كونياشكين.
سەرۆيستى پايدالانۋ ءۇشىن Aitu-دى جۇكتەپ الىپ، وعان تىركەلۋ قاجەت. ءارى قاراي «قوسىمشالار» بولىمىندە «eGov-تى» تاڭدايسىز نەمەسە ءبولىمنىڭ جوعارعى بولىگىندەگى باننەردى باساسىز. كەيىن اۆتوردى جازىپ، وزىڭىزگە قاجەت قىزمەت ءتۇرىن تاڭداعان سوڭ، ءبىر مينۋت ىشىندە ساۋالعا جاۋاپ الاسىز. سەرۆيس Aitu پلاتفورماسىنىڭ ءموبيلدى نۇسقاسىندا قازاق جانە ورىس تىلىندە قولجەتىمدى.
كورسەتىلەتىن قىزمەت ەلدە جانە ودان تىس جەرلەردەگى بارلىق قازاقستاندىققا قولجەتىمدى. باستى تالاپ – ءموبيلدى ازاماتتار بازاسىندا تىركەلگەن بولۋ. ەگەر پايدالانۋشى ماب-تا تىركەلمەگەن بولسا، وندا ەGov-تا جەكە كابينەتىندە لوگين مەن ءپارولدى ەنگىزۋ قاجەت نەمەسە eGov mobile ءموبيلدى قوسىمشاسى ارقىلى شىعارىلعان Digital-ID سەرۆيسى ارقىلى جەكە تۇلعانى قاشىقتىقتان سايكەستەندىرۋ قىزمەتىن پايدالانا الادى.
«Aitu قۇندىلىعىن ارتتىرۋعا جۇمىس ىستەپ جاتىرمىز. بۇل جولى جۇمىسقا ورنالاستىرۋ، بجزق شوتىنداعى قولجەتىمدى سومانى تەكسەرۋ، ساپارلارعا دايىندىق جانە تاعى باسقا قاراپايىم ماسەلەلەردى شەشۋگە قاتىستى كورسەتىلەتىن قىزمەتتەرگە باسا نازار اۋداردىق. Aitu-دىڭ كومەگىمەن كەز كەلگەن جەردە، ۋاقىتتا جانە قۇرىلعىدا اقپارات پەن كورسەتىلەتىن قىزمەتتەرگە قازاقستاندىقتاردىڭ بەلسەندى تۇردە قولجەتىمدىلىگىنىڭ بولعانىن قالايمىز»، – دەپ ءتۇسىندىردى BTS Digital كومپانياسىنىڭ پروداكت مەنەدجەرى نۇرسۇلتان احمەتوۆ.
Aitu-داعى eGov سەرۆيسى «ۇات» اق مەملەكەتتىك كونتۋرىنىڭ ىشىندە ورنالاسقان، BTS Digital كومپانياسى دەربەس دەرەكتەردى جيناۋدى جانە وڭدەۋدى جۇزەگە اسىرمايدى.