دارىندى جاس، بەلگىلى مۋزىكانت راحات-بي ءابدىساعين 20 قاراشا كۇنگى پرەزيدەنت سايلاۋىنا قاتىسىپ، ۇلىبريتانياداعى ق ر ەلشىلىگىندە ءوز تاڭداۋىن جاساعان ەدى.
«قازاقستاندا وتكەن سايلاۋ ەلدىڭ بولاشاعىنا قاتىستى ناقتى كوزقاراسى مەن جوسپارى بار كوشباسشىنى تاڭداۋمەن اياقتالدى. بۇل جولدا قازاقستاندىقتار وزدەرىنىڭ باسىمدىقتارىن تانىتىپ، الداعى جەتى جىلدا قاسىم-جومارت توقايەۆپەن بىرگە بولۋعا دايىن ەكەندىكتەرىن كورسەتتى. مەن دە ازاماتتىق بورىشىمدى ورىندادىم. وزگە مەملەكەتتە جۇرسەم دە، قازاقستان رەسپۋبليكاسى پرەزيدەنتىنىڭ سايلاۋىنا قاتىسىپ، داۋىس بەردىم. ويتكەنى، بۇل كۇن - ەلىمىزدىڭ تاعدىرى مەن بولاشاعىن ايقىندايتىن ماڭىزدى وقيعا. مەن «حالىقتار بايلىعىنىڭ شىنايى ولشەمى رەتىندە قارجىلىق كاپيتالدى كولەڭكەلەندىرەتىن ينتەللەكتۋالدى نوۋ-حاۋعا» داۋىس بەردىم.
قازىرگى تاڭدا مەن شىعارماشىلىق قىزمەتىمە بايلانىستى ۇلىبريتانيادا تۇرىپ جاتىرمىن. ءوز تاڭداۋىمىزدى جاساۋ ءۇشىن ۇلىبريتانياداعى ق ر ەلشىلىگىنە، لوندون قالاسىنا رۇستەم كەنجەبەكوۆ ەسىمدى جاقىن دوسىم ەكەۋمىز باردىق. ول لوندوننىڭ اتى اڭىزعا اينالعان ەكونوميكا مەكتەبىندە (LSE) ماگيستراتۋرادا وقيدى. بولاشاعىنان مول ءۇمىت كۇتتىرەتىن تاماشا ەكونوميست. مەن ءوز حالقىما جانە ءوز ەلىمنىڭ جارقىن بولاشاعىنا سەنەمىن!