ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، جەرگىلىكتى اتقارۋشى ورگانداردىڭ رۇقساتىمەن قازاقستان اۋماعىندا 14 130 شەتەل ازاماتى ەڭبەك ەتەدى، دەپ حابارلايدى aqshamnews.kz
شەتەل جۇمىس كۇشىن (شجك) تارتۋعا رۇقساتتاردىڭ اراسىندا مىناداي ساناتتار بار:
باسشىلار مەن ولاردىڭ ورىنباسارلارى ءۇشىن 549 رۇقسات (ءبىرىنشى سانات)،
قۇرىلىمدىق بولىمشەلەردىڭ باسشىلارى ءۇشىن 2 258 رۇقسات (ەكىنشى سانات).
تارتىلعان شجك نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە ولار 3 786 جانە 904 ادام. سونداي-اق ماۋسىمدىق جۇمىستارعا 2 889 ادام، ال كورپوراتيۆتىك اۋىستىرۋ اياسىندا 3 744 ادام تارتىلدى.
ەڭبەك ميگرانتتارى كەلەتىن نەگىزگى ەلدەر:
جۇڭگو – 5 120 ادام،
وزبەكستان – 2 478 ادام،
تۇركيا – 1 042 ادام،
ءۇندىستان – 1 031 ادام.
قازىرگى ۋاقىتتا قازاقستاندا شجك پايدالاناتىن 1 899 جۇمىس بەرۋشى بار. ولاردا 348 مىڭنان استام قازاقستان ازاماتى جۇمىس ىستەيدى، بۇل قىزمەتكەرلەردىڭ جالپى سانىنىڭ 96%-ى.
ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر:
قۇرىلىس سالاسىندا – 4 949 ادام،
اۋىل، ورمان جانە بالىق شارۋاشىلىعى – 2 930 ادام،
تاۋ-كەن ونەركاسىبى جانە كارەرلەردى قازۋ – 1 369 ادام،
وڭدەۋ ونەركاسىبى – 1 210 ادام.
ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەل ماماندارىن تارتۋعا كۆوتا بەلگىلەيتىنىن جانە بولەتىنىن ەسكە سالدى.
2025 جىلى جالپى كۆوتا رەسپۋبليكاداعى جۇمىس كۇشىنىڭ سانىنا قاتىستى 0،2% مولشەرىندە نەمەسە 14،8 مىڭ بىرلىك بولىپ بەلگىلەنگەن، ال وسى جىلدىڭ ناۋرىز ايىنان باستاپ جەرگىلىكتى اتقارۋشى ورگانداردىڭ وتىنىمدەرىنە بايلانىستى ءمينيستردىڭ بۇيرىعىمەن 16،5 مىڭ بىرلىككە دەيىن ۇلعايتىلدى
اعىمداعى جىلدىڭ تامىز ايىنان باستاپ ماۋسىمدىق شەتەلدىك جۇمىسشىلاردىڭ ەڭبەك قىزمەتىن جۇزەگە اسىرۋ ءۇشىن كاسىپتەر تىزبەسىنىڭ كەڭەيۋىنە بايلانىستى ءمينيستردىڭ بۇيرىعىمەن جالپى كۆوتا رەسپۋبليكاداعى جۇمىس كۇشى سانىنا قاتىستى 0،25% نەمەسە 19،4 مىڭ بىرلىك مولشەرىندە بەلگىلەندى.