Almaty Tourism Bureau الماتىنىڭ تۋريستىك الەۋەتىن شەتەلدە كەڭىنەن تانىستىرۋ جۇمىستارىن جالعاستىرىپ جاتىر. وسى باعىتتا جەتەكشى حالىقارالىق اۋە كومپانيالارىمەن ستراتەگيالىق كەلىسىمدەر جاسالىپ، «Visit Almaty» برەندى سيفرلىق ارنالار، الەۋمەتتىك جەلىلەر مەن مۋلتيمەديالىق پلاتفورمالار ارقىلى ىلگەرىلەتىلمەك.
العاشقى سەرىكتەستەردىڭ ءبىرى – Air Astana. اۋە كومپانياسىنىڭ رەسمي سايتىندا الماتى تۋرالى اعىلشىن جانە كورەي تىلدەرىندە جەكە بەت اشىلىپ، وندا Visit Almaty لوگوتيپى مەن تۋريستىك باعىتتار ۇسىنىلدى. قىركۇيەكتەن باستاپ بورتتاعى ەكرانداردا قالا تۋرالى بەينەروليكتەر كۇن سايىن كورسەتىلەدى. بۇعان قوسا، Tengri جۋرنالىنا الماتىنىڭ تۋريستىك مۇمكىندىكتەرى تۋرالى ماقالا جاريالاندى، ال كومپانيانىڭ Instagram پاراقشاسىندا ارنايى جازبا دايىندالىپ جاتىر.
ەرەكشە نازار وڭتۇستىك-شىعىس ازيا نارىعىنا اۋدارىلدى. كۋالا-لۋمپۋر مەن سينگاپۋردا AirAsia كومپانياسىمەن بىرلەسىپ Visit Almaty لوگوتيپى بار بيلبوردتار ورناتىلدى. بۇل ميلليونداعان ترانزيتتىك جولاۋشىلاردىڭ، اسىرەسە جاستار مەن جەكە ساياحاتشىلاردىڭ نازارىن اۋدارۋعا مۇمكىندىك بەرەدى.
جاقىن ۋاقىتتا باستى سەرىكتەستەردىڭ ءبىرى – Qatar Airways بولماق. اۋە كومپانياسى الماتىنى ىلگەرىلەتۋگە 370 مىڭ اقش دوللارىن ينۆەستيسيالايدى. كومپانيانىڭ رەسمي سايتىندا قالا تۋرالى اعىلشىن جانە اراب تىلدەرىندە اقپاراتتىق بەتتەر اشىلىپ، ناۋقان كاتار، ءباا جانە ساۋد ارابياسى نارىعىن قامتيدى. بۇل الماتىنىڭ مادەنيەت پەن تابيعاتتى باعالايتىن ساياحاتشىلار ءۇشىن جاڭا تۋريستىك باعىت رەتىندەگى مارتەبەسىن ارتتىرادى.
Turkish Airlines-پەن ارىپتەستىك Instagram جەلىسىندەگى Reels جانە Stories فورماتىنداعى اۆتورلىق كونتەنت ارقىلى الماتىنى الەمدىك اۋديتورياعا تانىتۋعا مۇمكىندىك بەرەدى.
سونىمەن قاتار NEOS Air كومپانياسىمەن 450 مىڭنان استام جازىلۋشىسى بار بازاعا email-ناۋقان جۇرگىزۋ جانە الەۋمەتتىك جەلىلەردە ءبىرقاتار جاريالانىمدار شىعارۋ جوسپارلانعان.
بارلىق سەرىكتەستىك جوبالار وسى كۇزدەن باستاپ جۇزەگە اسادى. اۋە كومپانيالارىنىڭ سيفرلىق رەسۋرستارىن پايدالانۋ «Visit Almaty» برەندىنىڭ تانىمالدىعىن ارتتىرىپ، الماتىنىڭ حالىقارالىق ءيميدجىن نىعايتىپ، قالاعا كەلەتىن تۋريستەر سانىن كوبەيتۋگە ىقپال ەتەدى.