ەلىمىزدىڭ ءۇش ءوڭىرىنىڭ تۇرعىندارى قارىزدى كوبىرەك الادى

سەبەبى حالىقتىڭ كوبىنىڭ ايلىعى شايلىعىنا جەتپەيدى. 

نەسيەنى كوبىنە استانا، تۇركىستان جانە جامبىل وبلىستارىنىڭ تۇرعىندارى الادى، دەپ حابارلايدى Almaty-akshamy.kz Astanatv.kz-كە سىلتەمە جاساپ. 

ايلىعىنىڭ ازدىعىنا قاراماي جوعارى سومماعا ميكروكرەديتتەردى كوپ الادى. ال سولتۇستىك وڭىردەگى قازاقتار نەسيە الماۋعا تىرىسادى ەكەن. 

Zaimer.kz قارىز الۋشىلاردىڭ تۇتىنۋشىلىق مىنەز-قۇلقىنا جۇرگىزىلگەن باقىلاۋلارعا سايكەس، استانادا قىسقا مەرزىمدى شاعىن نەسيەنىڭ ورتاشا سومماسى 62،9 مىڭ تەڭگەنى قۇرايدى. جامبىل جانە تۇركىستان وبلىستارىندا سايكەسىنشە 59،5 مىڭ تەڭگە جانە 58 مىڭ تەڭگە.

جالاقىعا دەيىنگى نەسيە رەيتينگىندە ەكىنشى ورىندا جەتىسۋ وبلىسى تۇر. مۇندا ادامدار – 57 مىڭ تەڭگە قارىز السا، الماتىدا شامامەن 56 مىڭ تەڭگە جەتپەيدى.

"سونىمەن قاتار ورتا ەسەپپەن 88 مىڭ تەڭگە الىپ جاتقان بايقوڭىر تۇرعىندارىن دا ەرەكشە اتاپ وتكەن ءجون. الايدا قالا جالپى تىزىمگە ەنبەي قالدى، ويتكەنى بۇل ەلدى مەكەندەگى نەسيە الۋشىلاردىڭ ازدىعى، مۇنداعى قارجى وزەكتىلىگى تۋرالى ايتۋعا مۇمكىندىك بەرمەيدى. "،-دەيدى مقۇ ماماندارى.

وتىنىشتەرى بويىنشا ەڭ از نەسيە الاتىن، ورتاشا ەسەپپەن 48،6 مىڭ تەڭگەنى قۇرايتىن قوستاناي وبلىسىنىڭ تۇرعىندارى؛ پاۆلودار جانە اقتوبە وبلىستارى – ءارقايسىسى 49 مىڭ تەڭگە، سونداي-اق شىعىس قازاقستان – 50 مىڭ تەڭگە جانە الماتى وبلىسى – 51،1 مىڭ تەڭگەنى قۇرايدى.

قارجى ۇيىمى ماماندارىنىڭ ايتۋىنشا، وڭىرلەردەگى 85 پايىزعا جۋىعى ميكرونەسيەلەردى تۇراقتى تۇردە پايدالانىپ، تيىسىنشە ولاردى كەشىكتىرمەي قايتارادى.

"قازاقستاندىقتاردىڭ بۇل مىنەز-قۇلقى، جالپى العاندا، ولاردىڭ تابىس دەڭگەيىنىڭ جەتكىلىكتى ەكەنىن كورسەتەدى، ءبىراق قازىرگى ۋاقىتتا ولار شىعىنداردى دۇرىس تەڭەستىرە المايدى"،-دەيدى مقۇ ماماندارى.

الىنعان شاعىن نەسيەلەر سانى بويىنشا العاشقى 5 ايماققا الماتى، استانا، الماتى، تۇركىستان جانە جامبىل وبلىستارى ەندى. 2023 جىلى قازاقستاندا شاعىن نەسيەنىڭ ورتاشا سوماسى 56،8 مىڭ تەڭگەنى قۇرادى، ءبىر جىل ىشىندە ءوسىم 4 مىڭ تەڭگەنى قۇرادى.