ەلىمىزدىڭ ءۇش وڭىرىندە اۋا رايى قولايسىز بولىپ تۇر.
سوعان بايلانىستى رەسپۋبليكالىق ماڭىزى بار اۆتوجولداردىڭ 9 ۋچاسكەسىندە جول قوزعالىسىنا شەكتەۋ ەنگىزىلدى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
اقمولا وبلىسىندا ەكى تاسجولدىڭ ءۇش بولىگى جابىلدى:
«استانا-پەتروپاۆل» كۇرە جولىنىڭ استانا قالاسىنان كوكشەتاۋ قالاسىنا دەيىنگى ارالىعىندا كولىكتىڭ بارلىق ءتۇرى ءۇشىن قوزعالىس شەكتەلدى؛
«استانا-پەتروپاۆل» كۇرە جولىنىڭ كوكشەتاۋ قالاسىنان سولتۇستىك قازاقستان ءوڭىرىنىڭ شەكاراسىنا دەيىنگى ارالىق جول قوزعالىسى ءۇشىن جابىق؛
«كوكشەتاۋ-ومبى» تاسجولىنىڭ كوكشەتاۋ قالاسىنان سولتۇستىك قازاقستان وبلىسىنىڭ شەكاراسىنا دەيىنگى ارالىعى جابىق؛
باتىس قازاقستان وبلىسىندا:
«پودستەپنوە-فەدوروۆكا-رەسەي فەدەراسياسىنىڭ شەكاراسى» تاسجولىندا ءبورلى اۋىلىنان اقساي قالاسىنا دەيىن قوزعالىس شەكتەلدى؛
سولتۇستىك قازاقستان وبلىسىندا 5 ۋچاسكە جابىلدى:
«چەليابينسك-نوۆوسيبيرسك» تاسجولىنىڭ پەتروپاۆل مەن بۋلايەۆو قالالارىنىڭ اراسىندا جول قوزعالىسىنا شەكتەۋ ەنگىزىلدى؛
«استانا-پەتروپاۆل» تاسجولىندا اقمولا وبلىسىنىڭ شەكاراسىنان بەسكول اۋىلىنا دەيىنگى ارالىق جابىق؛
«جەزقازعان-پەتروپاۆل» تاسجولىنىڭ ياۆلەنكا جانە بەسكول اۋىلدارىنىڭ اراسى جابىق؛
«پەتروپاۆل-سوكولوۆكا-رەسەي فەدەراسياسىنىڭ شەكاراسى» تاسجولىنىڭ پەتروپاۆل قالاسىنان رەسەي فەدەراسياسىنىڭ شەكاراسىنا دەيىنگى ارالىعىندا كولىكتىڭ بارلىق ءتۇرى ءۇشىن جول قوزعالىسى شەكتەلدى؛
«كوكشەتاۋ-ومبى» تاسجولىنىڭ اقمولا وبلىسىنىڭ شەكاراسىنان كىشكەنەكول اۋىلىنا دەيىنگى ارالىعىندا جول قوزعالىسى شەكتەلدى.