ەلىمىزدىڭ ءۇش وبلىسىندا جول جابىلدى

جولدىڭ جابىلۋىنا سەبەپ – اۋا رايىنىڭ قولايسىزدىعى.

قارلى بوران سالدارىنان ءۇش وبلىستا جول ۋچاسكەلەرى جابىلدى دەپ حابارلايدى Almaty-akshamy.kz QazAvtoJol باسپا ءسوز قىزمەتىنە سىلتەمە جاساپ.

استانادان پاۆلودار وبلىسىنىڭ شەكاراسىنا دەيىن جانە تەمىرتاۋدان قاراعاندىعا دەيىنگى جولدار جابىلدى، دەپ حابارلايدى Tengrinews.kz ءتىلشىسى.

QazAvtoJol باسپا ءسوز قىزمەتىنىڭ مالىمەتىنشە، استانادان ەكى وبلىس ارقىلى وتەتىن ءبىر تاسجولدىڭ ەكى بولىگى جابىلعان:

- استانا - ەرەيمەنتاۋ - شىدەرتى 16-200 شاقىرىم، استانادان پاۆلودار وبلىسىنىڭ شەكاراسىنا دەيىنگى ۋچاسكە؛

- استانا - ەرەيمەنتاۋ - شىدەرتى 200-254 شاقىرىم، اقمولا وبلىسىنىڭ شەكاراسىنان شىدەرتى اۋىلىنا دەيىنگى ۋچاسكە.

سونىمەن قاتار، ساعات 13:30-دا اۋا رايىنىڭ ناشارلاۋىنا، بورانعا، كورىنۋدىڭ شەكتەلۋىنە بايلانىستى قاراعاندى ​​جانە پاۆلودار وبلىستارىندا كولىكتىڭ بارلىق تۇرلەرى ءۇشىن كەلەسى ۋچاسكەلەردە قوزعالىسقا شەكتەۋ ەنگىزىلدى:

- قىزىلوردا - پاۆلودار 967-1135 شاقىرىم، مولودەجنىي اۋىلىنان پاۆلودار وبلىسىنىڭ شەكاراسىنا دەيىن؛

- ەكاتەرينبۋرگ - الماتى شاقىرىمدارى 1446-1457، تەمىرتاۋدان قاراعاندىعا دەيىن؛

- قىزىلوردا - پاۆلودار 1135-1206 شاقىرىمدار، قاراعاندى ​​وبلىسىنىڭ شەكاراسىنان شىدەرتى اۋىلىنا دەيىن.