ازيا وليمپيادالىق كەڭەسى (اوك) ۇيىم كوميتەتتەرىنە ەنگەن جاڭا مۇشەلەرىن تانىستىردى.
تاعايىنداۋ تۋرالى شەشىمدى ازيا وليمپيادالىق كەڭەسىنىڭ پرەزيدەنتى رادجا راندحير سينگح ءۇندىستاننىڭ نيۋ-دەلي قالاسىندا وتكەن اوك-تىڭ 44ء-شى باس اسسامبلەياسىندا قابىلدادى، دەپ حابارلايدى aqshamnews.kz ۇوك سايتىنا سىلتەمە جاساپ.
اوك كوميتەتتەرىنىڭ قۇرامىنا قازاقستان ۇلتتىق وليمپيادا كوميتەتىنىڭ (ۇوك) باسشىلارى مەن قىزمەتكەرلەرى ەندى. سپورت كوميتەتىنە قازاقستاننىڭ ۇوك پرەزيدەنتى گەنناديي گولوۆكين تاعايىندالدى. باس حاتشى ءالىمجان اقايەۆ حالىقارالىق قاتىناستار كوميتەتىنىڭ مۇشەسى بولدى. PR جانە ماركەتينگ دەپارتامەنتىنىڭ ديرەكتورى گۇلناز شۋكەنوۆا مەديا جانە ب ا ق كوميتەتىنە كىردى، ال سپورت دەپارتامەنتىنىڭ باس مەنەدجەرى رومان تەمىرجانوۆ اقپارات جانە ستاتيستيكا كوميتەتىنە قوسىلدى.
سونىمەن قاتار، ورتالىق ازيانىڭ ايماقتىق انتيدوپينگ ۇيىمىنىڭ (RADOCA) ديرەكتورى ۆەنەرا ابدۋللا انتيدوپينگ كوميسسياسىنىڭ مۇشەسى اتاندى. جاڭارتىلعان اوك كوميتەتتەرى 2028 جىلعا دەيىن قىزمەت اتقاراتىن بولادى.