قۇجات 21 اقپانعا دەيىن جاريا تالقىلاۋ ءۇشىن "اشىق نقا" سايتىندا ورنالاستىرىلعان.
قازاقستاندا ۇلتتىق مادەني يگىلىك وبەكتىلەرىنىڭ مەملەكەتتىك ءتىزىلىمى جۇرگىزىلەتىن بولادى، دەپ حابارلايدى aqshamnews.kz
مادەنيەت جانە اقپارات مينيسترلىگى ۇلتتىق مادەني يگىلىك وبەكتىلەرىنىڭ مەملەكەتتىك ءتىزىلىمىن قالىپتاستىرۋ جانە جۇرگىزۋ قاعيدالارىن ازىرلەدى.
مەملەكەتتىك تىزىلىمگە ەل تاريحى مەن مادەنيەتى ءۇشىن ەرەكشە ءمانى بار ۇلتتىق مادەني يگىلىك وبەكتىلەرى (ۇميو) تۋرالى مالىمەتتەر ەنگىزىلەدى.
مەملەكەتتىك ءتىزىلىمدى مادەنيەت سالاسىنداعى ۋاكىلەتتى ورگان مەملەكەتتىك جانە ورىس تىلدەرىندە، قاعاز جانە ەلەكتروندىق جەتكىزگىشتەردە جۇرگىزەدى.
مەملەكەتتىك تىزىلىمگە مادەني قۇندىلىقتاردى زەردەلەۋمەن اينالىساتىن جەكە جانە زاڭدى تۇلعالاردان كەلىپ تۇسكەن ۇميو تۋرالى مالىمەتتەر ەنگىزىلەدى.
مەملەكەتتىك ءتىزىلىمدى قالىپتاستىرۋ ءۇشىن ۋاكىلەتتى ورگان وتىنىمدەردى قابىلداۋ باستالعانعا دەيىن كەمىندە كۇنتىزبەلىك 30 (وتىز) كۇن بۇرىن ءوزىنىڭ ينتەرنەت-رەسۋرسىندا ءتيىستى اقپاراتتى جاريالايدى.
مادەني قۇندىلىقتاردى زەردەلەۋمەن اينالىساتىن جەكە جانە زاڭدى تۇلعالار بەرەتىن ۇميو تۋرالى مالىمەتتەر:
ۇميو-نىڭ تولىق اتاۋىن؛
ۇميو-نىڭ سيپاتتاماسىن؛
ۇميو-نىڭ جاسالعان كۇنىن؛
ۇميو دەرەكتەرىن؛
ۇميو-نىڭ شىققان جەرىن؛
ۇميو-نىڭ ورنالاسقان جەرىن؛
ۇميو-نىڭ فوتوسۋرەتىن قامتيدى.
ۇميو تۋرالى مالىمەتتەردى ۋاكىلەتتى ورگان كەلىپ تۇسكەن كۇنىنەن باستاپ كۇنتىزبەلىك 30 (وتىز) كۇننىڭ ىشىندە قارايدى.
مادەني قۇندىلىقتاردى زەردەلەۋمەن اينالىساتىن جەكە جانە زاڭدى تۇلعالاردان وسى قاعيدالاردىڭ 8-تارماعىندا كورسەتىلگەن ۇميو تۋرالى قۇجاتتار توپتاماسى نە (نەمەسە) مالىمەتتەر تولىق كەلىپ تۇسپەگەن جاعدايدا، ۋاكىلەتتى ورگان تالاپتارعا سايكەسسىزدىكتى انىقتاعان كەزدەن باستاپ 1 (ءبىر) جۇمىس كۇنى ىشىندە ونى ودان ءارى قاراۋدان ءۋاجدى باس تارتۋدى دايىندايدى.
كوميسسيا حاتتاماسىنىڭ نەگىزىندە ۋاكىلەتتى ورگان كورسەتىلگەن مەرزىم iشiندە مىناداي شەشىمدەردىڭ ءبىرىن قابىلدايدى:
ۇميو تۋرالى مالىمەتتەردى مەملەكەتتىك تىزىلىمگە ەنگىزۋ؛
ۇميو تۋرالى مالىمەتتەر ەل تاريحى جانە مادەنيەتى ءۇشىن ەرەكشە ءمانى بولماعاندىقتان، مەملەكەتتىك تىزىلىمگە ەنگىزۋگە جاتپايدى.
ۋاكىلەتتى ورگان شەشىم قابىلدانعان كۇننەن باستاپ ون جۇمىس كۇنى ىشىندە مادەني قۇندىلىقتاردى زەردەلەۋمەن اينالىساتىن جەكە جانە زاڭدى تۇلعالارعا قابىلدانعان شەشىم تۋرالى حابارلايدى.