ق ر ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى گۇلميرا كارىموۆا ەلىمىزدىڭ قاي وڭىرلەرىندەگى مۇعالىمدەر جوعارى جالاقى الاتىنىن ايتتى، دەپ حابارلايدى almaty-akshamy.kz
ونىڭ ايتۋىنشا، مەملەكەت باسشىسى بەرگەن تاپسىرماعا سايكەس مۇعالىمدەر تاپشىلىعى بايقالعان وڭىرلەرگە ۇزدىك پەداگوگتەردى تارتۋدىڭ ءتيىستى قولداۋ شارالارىنىڭ پاكەتى بار ارناۋلى باعدارلاما جوباسى ازىرلەندى.
«ارنايى باعدارلاما جوباسىن ازىرلەۋ اياسىندا وڭىرلەردەگى پەداگوگتەردىڭ تاپشىلىعىن انىقتاۋ بويىنشا تالداۋ جۇرگىزىلدى. ماسەلەن، پەداگوگتەردىڭ تاپشىلىعى اتىراۋ، ماڭعىستاۋ، الماتى جانە تۇركىستان وبلىستارىندا ساقتالىپ وتىر. ۇلتتىق ستاتيستيكا جانە حالىقارالىق سالىستىرمالى زەرتتەۋلەر دەرەكتەرى ءبىرقاتار جىلدار ىشىندە نىسانالى وڭىرلەردەگى ءبىلىم الۋشىلاردىڭ ءبىلىم ساپاسىنىڭ ەلدەگى ورتاشا كورسەتكىشتەردەن ارتتا قالعانىن كورسەتەدى. مۇنى PISA-2018 حالىقارالىق زەرتتەۋىنىڭ ناتيجەلەرى جانە ۇلتتىق ءبىرىڭعاي تەستىلەۋدىڭ ناتيجەلەرى راستايدى»، - دەدى گ. كارىموۆا ورتالىق كوممۋنيكاسيالار قىزمەتىندە.
باعدارلاما پەداگوگتەرگە رەسپۋبليكالىق بيۋدجەتتىڭ نىسانالى ترانسفەرتتەرى ەسەبىنەن لاۋازىمدىق جالاقىدان 100% مولشەرىندە ىنتالاندىرۋشى قوسىمشا اقى بەرۋدى كوزدەيدى. اتاپ ايتقاندا، ولاردىڭ ەڭبەكاقىسى ەكى ەسە وسەدى.
جوو پەداگوگتەرى مەن تۇلەكتەرىن بوس لاۋازىمدارعا تارتۋ ءۇشىن باعدارلاما اياسىندا نىسانالى وڭىرلەردىڭ وبلىستىق ءبىلىم باسقارمالارى جانىنان ۇيلەستىرۋ كەڭەستەرى، سونداي-اق مينيسترلىك جانىنداعى كونكۋرستىق كوميسسيا قۇرىلادى.
كونكۋرس جىلىنا ەكى رەت وتكىزىلەدى جانە كونكۋرستىڭ كەلەسى كەزەڭدەرى بەلگىلەندى: كونكۋرس وتكىزۋ تۋرالى حابارلاندىرۋ، ۇمىتكەرلەردىڭ قۇجاتتارىن قابىلداۋ، كومپيۋتەرلىك تەستىلەۋ جانە ەسسە جازۋ، قاشىقتىق فورماتتا اڭگىمەلەسۋ. كونكۋرس بارىسىندا بارلىق ۇمىتكەرلەر تۇرعىلىقتى جەرىنە قاراماستان تەڭ قۇقىلى، ۇمىتكەرلەر اراسىندا ادال باسەكەلەستىك جانە وتكىزۋدىڭ وبەكتيۆتىلىگى، اشىقتىعى، جاريالىلىعى قامتاماسىز ەتىلەدى.
«كونكۋرسقا ءتيىستى بەيىندەر بويىنشا جوعارى پەداگوگيكالىق، جوعارى كاسىپتىك ءبىلىمى بار، ونىڭ ىشىندە تۇرعىلىقتى جەرىنە قاراماستان جوعارى وقۋ ورىندارىنىڭ پەداگوگيكالىق ماماندىقتارىنىڭ تۇلەكتەرى، سونداي-اق بارلىق قاجەتتى قۇجاتتاردى كورسەتىلگەن مەرزىمدە جانە تولىق كولەمدە ۇسىنعان پەداگوگتەر قاتىسا الادى»، - دەدى كوميتەت باسشىسى.
ىرىكتەلگەن پەداگوگتەر ءۇشىن 4 اپتالىق بىلىكتىلىكتى ارتتىرۋ كۋرستارى جانە ونلاين-جانە وفلاين فورماتتاردا سەمينارلار، ۆەبينارلار مەن شەبەرلىك سىنىپتارى، 8 زياتكەرلىك مەكتەپتىڭ زەرتحانالارى بازاسىندا جاراتىلىستانۋ پاندەرى مۇعالىمدەرىنىڭ تاعىلىمدامالارى ۇيىمداستىرىلاتىن بولادى.