سينوپتيكتەر 11 قازاندا قولايسىز اۋا رايىنا بايلانىستى رەسپۋبليكامىزدىڭ توعىز وڭىرىندە ەسكەرتۋ جاريالادى، دەپ حابارلايدى almaty-akshamy.kz.
استانادا باتىستان، وڭتۇستىك-باتىستان سوققان جەلدىڭ ەكپىنى 15-20 م/س دەيىن جەتەدى.
شىمكەنتتە سولتۇستىك-باتىستان سولتۇستىك-شىعىسقا ويىسا سوققان جەلدىڭ ەكپىنى 15-20 م/س قۇرايدى.
اقمولا وبلىسىنىڭ سولتۇستىگىندە، شىعىسىندا باتىستان، وڭتۇستىك-باتىستان 15-20 م/س جىلدامدىقپەن جەل سوعادى دەپ كۇتىلەدى.
اقتوبە وبلىسىنىڭ باتىسى، سولتۇستىگى مەن ورتالىعىندا تۇندە سىناپ باعانى 3 گرادۋسقا دەيىن سۋىقتى كورسەتىپ، ۇسىك جۇرەدى دەپ بولجانادى
باتىس قازاقستان وبلىسىنىڭ تۇندە شىعىسىندا، كۇندىز باسىم بولىگىندە كۇن رايى جاۋىن-شاشىندى بولادى، جاۋعان جاڭبىردىڭ ارتى قارعا ۇلاسۋى مۇمكىن. وبلىستىڭ شىعىسىندا تۇندە، باتىس پەن سولتۇستىگىندە تاڭەرتەڭ كوكتايعاق بولادى دەپ كۇتىلەدى. ءوڭىردىڭ سولتۇستىگى مەن شىعىسىندا تۇندە جانە تاڭەرتەڭ تۇمان تۇسەدى.
قوستاناي وبلىسىنىڭ سولتۇستىگى، شىعىسىندا تۇندە جانە تاڭەرتەڭ تۇمان ءتۇسۋى مۇمكىن. وبلىستىڭ باتىسى مەن سولتۇستىگىنە وڭتۇستىك-باتىستان، باتىستان سوققان جەلدىڭ جىلدامدىعى سەكۋندىنا 15-20 مەترگە دەيىن جەتەدى دەپ كۇتىلەدى.
پاۆلودار وبلىسىنىڭ باتىسى، وڭتۇستىگى مەن شىعىسىندا باتىستان سوققان جەلدىڭ ەكپىنى 15-20 م/س بولادى.
سولتۇستىك قازاقستان وبلىسىنىڭ سولتۇستىك-شىعىسىندا تۇندە جانە تاڭەرتەڭ تۇمان تۇسەدى دەپ كۇتىلەدى. وبلىستىڭ شىعىسىندا تۇندە وڭتۇستىك-باتىستان، كۇندىز وبلىستىڭ باسم بولىگىندە 15-20 م/س جىلدامدىقپەن جەل سوعادى دەپ بولجانادى.
تۇركىستان وبلىسىنىڭ سولتۇستىگى، باتىسى، تاۋلى ايماقتارى مەن تاۋ بوكتەرىندە تۇندە، تاۋ اسۋلارىندا كۇندىز سولتۇستىك-باتىستان سولتۇستىك-شىعىسقا ويىسا 15-20 م/س جىلدامدىقپەن جەل سوعادى دەپ كۇتىلەدى. وبلىستىڭ سولتۇستىگىندە، باتىسىندا ءورت تۇتانۋ ءقاۋپى جوعارى بولادى.