ەلىمىزدىڭ تاعى ءبىر وڭىرىندە اباي ەسكەرتكىشى اشىلدى

ۇلى اقىننىڭ ەسكەرتكىشى اتىراۋدا بوي كوتەردى

اتىراۋدا اباي ەسكەرتكىشىنىڭ اشىلۋ ءراسىمى ءوتتى، دەپ حابارلايدى Almaty-akshamy.kz 24.kz-كە سىلتەمە جاساپ

ۇلى اقىننىڭ 175 جىلدىعىنا جوسپارلانعان ەسكەرتكىشتىڭ اشىلۋ ءساتى بۇگىن ءتۇسىپ وتىر. قۇنى 145 ملن تەڭگە بولاتىن ءمۇسىن قولادان قۇيىلعان. بيىكتىگى 11 مەتر.

2019 جىلى رەسپۋبليكالىق اشىق كونكۋرس ارقىلى ءمۇسىنشى اسقار نارتوۆتىڭ ەسكەرتكىش-جوباسى قولداۋ تاۋىپتى. ال ونى ورناتۋ ءۇشىن قالالىق مادەنيەت ءبولىمى 2021 جىلدىڭ 3 قاراشاسىندا  «بالقىتۋ» جشس-مەن كەلىسىمشارتقا وتىرعان. ەسكەرتكىشتىڭ اشىلۋ سالتاناتىنا وبلىس اكىمى، ءوڭىردىڭ زيالى قاۋىم وكىلدەرى قاتىستى.

ەسكە سالا كەتەيىك، ءدال وسى جوبا ءۇشىن وبلىس اكىمىنىڭ ورىنباسارى باقىتگۇل حامەنوۆا مەن مادەنيەت باسقارماسىنىڭ باسشىسى جەمقورلىق دەرەگى بويىنشا كۇدىككە ىلىككەن ەدى.

وبلىستىق سوتتىڭ مالىمدەمەسى بويىنشا، حامەنوۆانىڭ كىناسى دالەلدەنسە، 7 جىلدان 12 جىلعا دەيىن باس بوستاندىعىنا ايىرىلۋى مۇمكىن.

قۇرالاي قۇماروۆا، قالالىق مادەنيەت، تىلدەردى دامىتۋ، دەنە شىنىقتىرۋ جانە سپورت ءبولىمى باسشىسىنىڭ ورىنباسارى: – بۇل ەسكەرتكىش 2018 جىلى ەسكەرتكىشتەردى قورعاۋ جونىندەگى كوميسسيانىڭ شەشىمىمەن تاڭدالعان بولاتىن.

ەكى ەسكەرتكىش جوباسىنىڭ ىشىنەن بىرەۋى تاڭدالىپ، ءمۇسىنشى اسقار نارتوۆتىڭ ەسكەرتكىشى تاڭدالدى. استىنداعى تۇعىرىمەن قوسا العاندا 11 مەتردى قۇرايدى. جوبا قۇنى - 145 ملن تەڭگە.