«زەرتتەلمەگەن قازاقستان»: دوكۋمەنتاليستەر 20 سەريالى فيلم تۇسىرەدى
قازاقستان تاۋەلسىزدىگىنىڭ 30 جىلدىعىنا وراي ءبىر توپ دوكۋمەنتاليستەر ەلىمىزدىڭ تابيعاتى مەن مادەنيەتى تۋرالى فيلمدەر تۇسىرەدى. جوبا مەملەكەتتىك ورگاندار مەن حالىقارالىق ۇيىمداردان قولداۋ تاپتى، دەپ حابارلايدى Almaty-akshamy.kz.
«زەرتتەلمەگەن قازاقستان» جوباسىنىڭ ماقساتى – ەلدى كورسەتۋ. ساياحاتشىلار قازاقستاننىڭ قورىق جانە كيەلى جەرلەرىن ارالاپ، كورىكتى جەرلەرىمەن تانىسادى. حرونومەتراجى 20 مينۋتتى قۇرايتىن 20 سەريانى ءتۇسىرۋ جوسپارلانۋدا.
جوبا ىشكى نارىققا ارنالعان، ءبىراق جاساۋشىلار شەتەلدىك ارنالارعا قىزىعۋشىلىق تانىتاتىندىعىن جوققا شىعارمايدى. سوندىقتان سەريالار قازاق، ورىس جانە اعىلشىن تىلدەرىندە بولادى.
ەكسپەديسياعا 12 ادام قاتىسادى. 10 قىركۇيەكتە ولار شىعىس قازاقستانعا اتتانادى.
«ءبىرىنشى سيۋجەت سەمەي يادرولىق پوليگونى تۋرالى بولماق. ەلباسىنىڭ يادرولىق پوليگوندى جابۋ تۋرالى جارلىعىنا 30 جىل بولاتىنى بەلگىلى. ءبىز ادامداردىڭ قالاي ءومىر سۇرگەنىن ەسكە سالامىز»، - دەدى Indiga production باسشىسى رافاەل گاسانوۆ.
جۇمىسقا كىرىسپەس بۇرىن، قازاقستاننىڭ مەملەكەتتىك ورگاندارى مەن الىقارالىق ۇيىمدارعا قولداۋ تۋرالى ءبىرقاتار حاتتار جىبەرىلدى. مىسالى، پوليگون تۋرالى سەريانى بىرىككەن ۇلتتار ۇيىمى قولداعان. سونداي-اق جوبانى ەلىمىزدىڭ جوعارى باسشىلىعى، بەيىندى ۆەدومستۆولار مەن اگەنتتىكتەردىڭ شەنەۋنىكتەرى، دەمەۋشىلەر قولداپ وتىر.
ساياحاتشىلار باراتىن ورىندار تىزىمىندە ەكىباستۇز گرەس-ى، ابىلاي حان رەزيدەنسياسى، الجير لاگەرى، سايرام قالاشىعى، بوزجىرا شاتقالى جانە ت.ب. بار.
«ءبىزدىڭ ماقساتىمىز – قازاقستاننىڭ تابيعاتىن كورسەتۋ عانا ەمەس، سونداي-اق وسى فيلمدەردە جاستاردىڭ ءوز جەرىن باعالاپ، ءسۇيىپ، قورعاۋى ءۇشىن ولاردىڭ بويىندا وتانسۇيگىشتىكتى قالىپتاستىرۋ»، - دەدى رافاەل گاسانوۆ.