ەلىمىزدىڭ سۋ سالاسىندا 200-دەن استام «تاۋەلسىزدىك قۇرداستارى» ەڭبەك ەتەدى.
اتاپ ايتقاندا، سۋ رەسۋرستارى جانە يرريگاسيا مينيسترلىگىندە 1991 جىلى دۇنيەگە كەلگەن 10 مامان، «قازسۋشار» فيليالدارىندا 202 جانە باسسەيندىك ينسپەكسيالاردا 3 سۋشى بار، دەپ حابارلايدى aqshamnews.kz سالا مينيسترلىگىنە سىلتەمە جاساپ.
قازاقستان ەگەمەندىگىن العان جىلى تۋعان وتانداستارىمىز بۇگىندە سۋ سالاسىنىڭ بىلىكتى ماماندارىنا اينالىپ، ەلىمىزدى دامىتۋعا ءوز ۇلەستەرىن قوسىپ جاتىر. ولاردىڭ كەيبىرى قاراپايىم جۇمىسشىدان باستاپ، باسشىلىق قىزمەتكە دەيىن كوتەرىلگەن.
«مەنىڭ اكەم سۋ سالاسىندا 42 جىل ەڭبەك ەتكەن وسى سالانىڭ ارداگەرى. مەن دە اكەمنىڭ جولىن قۋىپ، سۋشى ماماندىعىن تاڭدادىم. وسى سالادا 10 جىلعا جۋىق ەڭبەك ەتىپ كەلەمىن. بۇگىنگى تاڭدا اعا ينجەنەر-گيدروتەحنيك لاۋازىمىنا دەيىن كوتەرىلدىم. تاۋەلسىزدىكتىڭ قۇرداسى بولۋ – ۇلكەن جاۋاپكەرشىلىك. سول سەبەپتى جۇمىستا دا، كۇندەلىكتى ومىردە دە ابىرويلى بولۋعا تىرىسامىن»، - دەيدى قىزىلوردا وبلىسى بويىنشا «قازسۋشار» فيليالى وندىرىستىك ۋچاسكەسىنىڭ اعا ينجەنەر-گيدروتەحنيگى ايدوس يباديلدايەۆ.