قازاقستان مەن رەسەي ىنتىماقتاستىعىن ارتتىرۋدا.
ۇستىمىزدەگى جىلدىڭ باسىنان بەرى ەكى ەل اراسىنداعى تاۋار اينالىمى 11 ملرد دوللاردى قۇرادى، دەپ حابارلايدى Almaty-akshamy.kz.
بۇل ءبىر جىل بۇرىنعىعا قاراعاندا 26،7% كوپ. قازاقستاننان كورشى رەسپۋبليكاعا بيداي، كۇرىش، سەمەنت، تابيعي گاز كوندەنساتى، تىڭايتقىشتار جانە باسقا دا ونىمدەر جونەلتىلدى. سونداي-اق ءبىزدىڭ ەلگە رەسەيلىك ينۆەستيسيالاردىڭ كولەمى دە وڭ ديناميكانى كورسەتىپ وتىر.
ول 10% استام ءوسىپ، 12 ملرد دوللاردان استى. ينۆەستيسينىڭ باسىم بولىگى وڭدەۋ ونەركاسىبىنە، ساۋداعا، قارجىلىق جانە ساقتاندىرۋ قىزمەتىنە تيەسىلى. ەكى ەل ءتۇرلى بىرلەسكەن ءىرى جوبالاردى جوسپارلاپ وتىرعانىن اتاپ وتكەن ءجون.
ولاردىڭ 30-ى بۇگىندە ىسكە اسىرىلۋ ساتىسىندا. بۇل – ساۋدا، قۇرىلىس يندۋسترياسى، فارماسيەۆتيكا، مۇناي-حيميا جانە جەڭىل ونەركاسىپ سالالارىنداعى جوبالار.