28 تامىزدا دەمالىس كۇندەرى جۇمىسقا تىيىم سالىنعانىنا قاراماستان، «بارىس» بازارى جۇمىسىن جالعاستىردى.
الماتى قالاسى المالى اۋدانىنىڭ مونيتورينگتىك توبى ءدال وسى كۇنى ساعات 13.30 شاماسىندا بەلگىلەنگەن كارانتيندىك شەكتەۋلەردىڭ بۇزىلۋىن انىقتادى، دەپ حابارلايدى Almaty-akshamy.kz.
ەسكە سالساق، الماتىدا دەمالىس كۇندەرى قوعامدىق تاماقتانۋ (تەك قانا الىپ كەتۋ)، ساۋدا جانە ويىن-ساۋىق ورتالىقتارى، بازارلار، سۇلۋلىق سالوندارى مەن فيتنەس-ورتالىقتاردىڭ جۇمىسىنا كارانتيندىك شەكتەۋلەر ەنگىزىلگەن ەدى.
ەندى «بارىس» بازارىنىڭ يەسىنە وتە قوماقتى كولەمدە ايىپپۇل سالىنۋى مۇمكىن، ماتەريالدار المالى اۋدانىنىڭ سانيتارلىق-ەپيدەميولوگيالىق باقىلاۋ باسقارماسىنا جىبەرىلدى.
ايتا كەتەرلىگى، بازاردا ماسكا رەجيمى بۇزىلعان، كوپتەگەن ساتىپ الۋشىلار ساۋدا ايماعىندا بەتپەردەسىز بولعان.
ايتا كەتەرلىگى، ەپيدەميولوگيالىق تەكسەرۋلەردىڭ ناتيجەلەرى بويىنشا الماتىدا ينفەكسيانىڭ نەگىزگى ورىندارى: ساۋدا وبەكتىلەرى - 32%، وتباسىلىق بايلانىس - 16%، قوعامدىق كولىكتەر - 17،1% جانە بازارلار - 13%.
بۇرىنعىداي، قالادا 20 جاستان 39 جاسقا دەيىنگى تۇرعىندار كوروناۆيرۋستى جۇقتىرۋدى جالعاستىرۋدا - 33،5%، 40 - 59 جاس ارالىعىندا - 25،2% جانە 60 جاستان اسقاندار - 23،1%. بالالار مەن جاسوسپىرىمدەر اراسىندا - 18%.
وتكەن تاۋلىكتە مەگاپوليستە كوروناۆيرۋس ينفەكسياسىنىڭ 1 309 جاعدايى تىركەلدى. ينفەكسيالىق ستاسيونارلاردا 8 910 توسەك ورىن بار. بارلىعى 5 551 ادام اۋرۋحاناعا جاتقىزىلعان، ونىڭ 142ء-سى بالالار.
بۇگىنگى تاڭدا امسك پەن تەلەمەديسينا ورتالىعىنىڭ ءموبيلدى توپتارى ۇيدە 11 157 ناۋقاستى باقىلاۋدا.