ەلىمىزدىڭ رەسەيدەگى ساۋدا وكىلدىگى جابىلادى

بۇل تۋرالى ۇكىمەت باسشىسى 24 قاڭتاردا تاپسىرما بەرگەن. 

ۇكىمەت قاۋلىسىنىڭ جوباسىنا سايكەس، ساۋدا جانە ينتەگراسيا مينيسترلىگىنىڭ «قازاقستان رەسپۋبليكاسىنىڭ رەسەي فەدەراسياسىنداعى ساۋدا وكىلدىگى» مەملەكەتتىك مەكەمەسىن تاراتۋ جوسپارلانىپ وتىر، دەپ حابارلايدى Almaty-akshamy.kz ءىnformburo.kz سايتىنا سىلتەمە جاساپ.

بۇل ق ر پرەمەر-مينيسترىنىڭ 2023 جىلعى 24 قاڭتارداعى №12-11/ب-70 تاپسىرماسىن ورىنداۋ ماقساتىندا ىسكە اسىرىلماق.

قازاقستاننىڭ رەسەيدەگى ساۋدا وكىلدىگىنىڭ تاراتىلۋىنا سايكەس، ق ر ۇكىمەتىنىڭ ءبىرقاتار شەشىمدەرىنە وزگەرتۋلەر ەنگىزىلەدى.

قازاقستاننىڭ رەسەيدەگى ساۋدا وكىلدىگىنىڭ رەسمي سايتىندا بۇل تۋرالى اقپارات جوق.

«قازاقستان رەسپۋبليكاسىنىڭ رەسەي فەدەراسياسىنداعى ساۋدا وكىلدىگى تۋرالى» ەرەجەگە سايكەس، ساۋدا وكiلدىگىن قايتا ۇيىمداستىرۋ جانە تاراتۋ رەسەي فەدەراسياسىنىڭ تيiستi ورگاندارىن حابارلاندىرا وتىرىپ، ق ر زاڭناماسىنا سايكەس، ق ر Yكiمەتiءنىڭ شەشiمi نەگiزiندە جۇزەگە اسىرىلادى.

ەسكە سالايىق، قازاقستاننىڭ رەسەيدەگى ساۋدا وكىلدىگى ماسكەۋ قالاسىندا جۇمىس ىستەيدى. ەكى ەل اراسىنداعى «ءوزارا ساۋدا وكىلدىكتەرىن قۇرۋ تۋرالى» كەلىسىمگە قازاقستان مەن رەسەي ۇكىمەتتەرى 1992 جىلعى 22 قازاندا قول قويىلعان بولاتىن.

قازاقستاننىڭ رەسەيدەگى ساۋدا وكىلىنىڭ مىندەتىن اتقارۋشى قىزمەتىن دامير ادىلبەكوۆ اتقارادى.