بۇل وزگەرىستەر قۇرىلىس سالاسىنىڭ تيىمدىلىگىن ارتتىرۋعا مۇمكىندىك بەرەدى.
پرەمەر-مينيستر ءاليحان سمايىلوۆ قۇرىلىس سالاسىن رەفورمالاۋ جانە ونىڭ باسەكەگە قابىلەتتىلىگىن ارتتىرۋ ماسەلەلەرى جونىندە كەڭەس وتكىزدى، دەپ حابارلايدى Almaty-akshamy.kz ۇكىمەتتىڭ باسپا ءسوز قىزمەتىنە سىلتەمە جاساپ.
يندۋستريا جانە ينفراقۇرىلىمدىق دامۋ ۆيسە-مينيسترى ەركەبۇلان داۋىلبايەۆ قۇرىلىس سالاسىنىڭ تيىمدىلىگىن ارتتىرۋ تەتىكتەرىن ازىرلەۋ قورىتىندىلارى بويىنشا زاڭنامالىق تۇزەتۋلەر پاكەتى دايىندالعانىن اتاپ ءوتتى.
جاڭا نورمالاردى ەنگىزۋدىڭ ارقاسىندا شاعىن جانە ورتا بيزنەستىڭ مەملەكەتتىك ساتىپ الۋعا قاتىسۋ مۇمكىندىكتەرىن كەڭەيتۋ، زاڭسىز جانە ءونىمسىز قوسالقى مەردىگەرلەردىڭ، سونداي-اق بىلىكتىلىگى جوق ليسەنزياتتاردىڭ قىزمەتىن شەكتەۋ جوسپارلانىپ وتىر.
بۇدان باسقا، نارىق سۋبەكتىلەرىنە جەر ۋچاسكەلەرىن الۋ كەزىندە تەڭ مۇمكىندىكتەر بەرۋ، ۇلەستىك قۇرىلىس سالاسىن جەتىلدىرۋ جانە سالا بويىنشا لايىقتى ەڭبەكاقى تولەۋدى قامتاماسىز ەتۋ جوسپاردا بار.
ۇكىمەت مۇشەلەرى زاڭنامالىق تۇزەتۋلەر قۇرىلىس كولەمىن بىركەلكى بولۋگە، ورىندالاتىن جۇمىستاردىڭ ساپاسى مەن اشىقتىعىن ارتتىرۋعا مۇمكىندىك بەرەدى دەپ سانايدى.
ءاليحان سمايىلوۆ ۇسىنىلعان وزگەرىستەردىڭ نەگىزگى بولىگىن قولدادى جانە مۇددەلى مەملەكەتتىك ورگاندارعا ەگجەي-تەگجەيلى ەسەپ جاساۋدى قاجەت ەتەتىن تارماقتاردى قوسىمشا پىسىقتاۋدى تاپسىردى.