مەملەكەتتىك كىرىستەر كوميتەتى باقشا داقىلدارى - قاربىز بەن قاۋىن تۋرالى قىزىقتى دەرەكتەرمەن ءبولىستى
بيىلعى 7 ايدا قازاقستانعا سالماعى 43،5 مىڭ توننا قاربىز بەن قاۋىن 8 911،1 مىڭ دوللارعا يمپورتتالعان. ونىڭ ىشىندە وزبەكستاننان - 34،0 مىڭ توننا 6 444،2 مىڭ اقش دوللارعا، يراننان - 3،1 مىڭ توننا 2 389،8 مىڭ دوللارعا، تاجىكستاننان 421،5 توننا 65،3 مىڭ دوللارعا ساتىپ الىندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«سالماعى 2،9 مىڭ توننا، قۇنى 959،6 مىڭ دوللار بولاتىن باقشا ونىمدەرى ەكسپورتتالدى. ونىڭ ىشىندە موڭعولياعا - 940،8 توننا 59،6 مىڭ دوللارعا، لاتۆياعا - 574،2 توننا 218،3 مىڭ دوللارعا، ۋكرايناعا - 716 توننا 467،6 مىڭ دوللارعا، گەرمانياعا - 252،3 توننا 125،5 مىڭ دوللارعا، پولشاعا - 271،3 توننا 56،1 مىڭ دوللارعا، ەستونياعا 115،2 توننا 16،4 مىڭ دوللارعا ساتىلدى.
2022 جىلدىڭ 7 ايىمەن سالىستىرعاندا ەكسپورت 1،8 مىڭ تونناعا وسكەنى بايقالادى»، - دەپ جازدى ۆەدومستۆودان.
جالپى، 2021-2022 جىلدارى قازاقستانعا شەت ەلدەردەن قۇنى 23 257،53 مىڭ دوللار، سالماعى 97،5 مىڭ توننا قاربىز بەن قاۋىن اكەلىندى.
سوڭعى ەكى جىلدا نەگىزگى جەتكىزۋشى ەلدەر قاتارىندا: وزبەكستان - 66،1 مىڭ توننا 10،7 مىڭ دوللارعا، يران – 4،2 مىڭ توننا 2،6 مىڭ دوللارعا، تاجىكستان – 1،3 مىڭ توننا 204،4 مىڭ اقش دوللارا باقشا ونىمدەرىن اكەلگەن.
«سونداي-اق، قاربىز بەن قاۋىن برازيليا، كوستا-ريكا، تۇرىكمەنستان، جۇڭگو، اۋعانستان، پاكىستان، تايلاند، يسپانيا، نيدەرلاندى سياقتى ەلدەردەن اكەلىنەدى.
ايتا كەتەرلىگى، ءبىزدىڭ قازاقستاندىق قاربىزدار مەن قاۋىندار تمد ەلدەرىنىڭ نارىعىندا بۇرىننان تانىمال بولعانىمەن، ەۋروپاعا دا بەلسەندى ەكسپورتتالادى. ماسەلەن، 2021-2022 جىلدارى قازاقستاننان بارلىعى 7،2 مىڭ توننا 2،2 ملن اقش دوللارىنا قاربىز مەن قاۋىن ەكسپورتتالدى»، - دەلىنگەن اقپاراتتا.
ەكسپورتتىڭ نەگىزگى بولىگىن قاۋىندار قۇرايدى. ەكى جىل ىشىندە لاتۆياعا - 2،6 مىڭ توننا قۇنى 883،2 مىڭ دوللار، ۋكرايناعا - 2،2 مىڭ توننا قۇنى 739،3 مىڭ دوللار، گەرمانياعا - 741،2 توننا قۇنى 384،85 مىڭ دوللار، پولشاعا - 114،6 توننا قۇنى 38،6 مىڭ دوللارعا ەكسپورتتالدى، ودان بولەك ازەربايجان، مولدوۆا، وزبەكستان، موڭعوليا، ەستونيا سياقتى ەلدەرگە دە قازاقستاندىق قاۋىن جەتكىزىلدى.