قورعانىس مينيسترلىگى جولداۋدى ىسكە اسىرۋدا
ەلىمىزدىڭ قورعانىس ۆەدومستۆوسىنىڭ باسشىسى، گەنەرال-لەيتەنانت مۇرات بەكتانوۆ اپپاراتتىق كەڭەس بارىسىندا قارۋلى كۇشتەردە پرەزيدەنتتىڭ 2021 جىلعى 1 قىركۇيەكتەگى قازاقستان حالقىنا جولداۋىن ىسكە اسىرۋعا قاتىستى ءبىرقاتار تاپسىرمالار بەردى، دەپ حابارلايدى Almaty-akshamy.kz.
قورعانىس مينيسترلىگىنىڭ مالىمەتىنشە، اسكەرگە قاتىستى اسپەكتىلەرگە نازار اۋدارا وتىرىپ، جولداۋدىڭ نەگىزگى ەرەجەلەرىن جەتكىزدى.
ەلدىڭ قورعانىس قابىلەتىن نىعايتۋ، قاۋىپ-قاتەرلەرگە جەدەل دەن قويۋدى ارتتىرۋ اياسىندا، 3 قىركۇيەكتەن باستاپ-اق قارۋلى كۇشتەردە اسكەرلەردى قاۋىرت تەكسەرۋ جۇرگىزىلۋدە. اسكەري قۇرالىمدار مەن بولىمدەر جاۋىنگەرلىك وقۋ-جاتتىعۋ تاپسىرمالارىن ورىنداۋ ءۇشىن تۇراقتى ورنالاسقان پۋنكتتەرىنەن ەلدىڭ باسقا وڭىرلەرىنە جىبەرىلەدى. قورعانىس ۆەدومستۆوسىنىڭ باسشىسى ورىن الۋى مۇمكىن قاۋىپتەر مەن قاتەرلەرگە سايكەس اسكەرلەردىڭ ءىس جۇزىندەگى ارەكەتىن تولىق دەڭگەيدە تەكسەرۋدى تاپسىردى.
وتكەن دەمالىس كۇندەرى جامبىل وبلىسىنداعى ينجەنەرلىك وق-دارىلەر قويماسىنا بارعان قورعانىس ۆەدومستۆوسىنىڭ باسشىسى قازا تاپقانداردىڭ وتباسىلارىنا جانە بارلىق زارداپ شەككەندەرگە جان-جاقتى كومەك كورسەتۋدى جالعاستىرۋدى تاپسىردى. مۇرات بەكتانوۆ وقيعا سالدارىن جويۋعا قاجەتتى كۇشتەر مەن قۇرالداردى تارتۋدى جۇكتەدى. بەلگىلەنگەن قاۋىپسىزدىك شارالارىن ساقتاي وتىرىپ، بارلىق جۇمىستار بارىنشا قىسقا مەرزىمدە جۇرگىزىلۋى ءتيىس.
قورعانىس مينيسترلىگىنىڭ باس ينسپەكسياسى قازىرگى ۋاقىتتا وق-دارىلەر قويمالارىن تەكسەرۋگە قاتىستى جۇرگىزىلىپ جاتقان ءىس-شارالار جونىندە باياندادى. قورعانىس ءمينيسترى كوميسسياعا ينسپەكسيالاۋ ناتيجەلەرى تۋرالى تەز ارادا اقپارات بەرۋدى جانە وق-دارىلەردى ساقتاۋ وبەكتىلەرى مەن حالىقتىڭ قاۋىپسىزدىگىن قامتاماسىز ەتۋ بويىنشا قاجەتتى شارالاردى قابىلداۋعا باستاما تانىتۋدى تاپسىردى. قورعانىس ۆەدومستۆوسىنىڭ باسشىسى جەكە قۇرامعا بەينەكونفەرەنسبايلانىس رەجيمىندە شىقتى. بۇرىنعى قورعانىس ءمينيسترى ناعىز وفيسەر رەتىندە بارلىق جاۋاپكەرشىلىكتى ءوز موينىنا الىپ، وتستاۆكاعا بەرگەنىن اتاپ ءوتتى.
سونداي-اق، ول جالپىاسكەري جارعىلاردا ءاربىر لاۋازىمدى تۇلعانىڭ مىندەتتەرى كوزدەلگەنىن ەسكە سالدى. بۇل رەتتە بارلىق اسكەري قىزمەتشىلەر تاپسىرىلعان جۇمىسقا زاڭدى ءارى مورالدى تۇرعىدا جاۋاپتى بولۋى ءتيىس.
گەنەرال-لەيتەنانت مۇرات بەكتانوۆ لاۋازىمدى تۇلعالاردىڭ قۇزىرەتىنە نازار اۋداردى. ول ءۇشىن جاۋاپتى جانە باسشى لاۋازىمدارعا قاجەتتى تاجىريبەسى بار جانە مۇقيات كونكۋرستىق ىرىكتەۋدەن وتكەن ادامدار تاعايىندالۋى ءتيىس.
قورعانىس ءمينيسترى قارۋلى كۇشتەردە نەگىزىنەن كاسىبي دايىندالعان اسكەري قىزمەتشىلەر، ءوز ەلىنىڭ پاتريوتتارى قىزمەت اتقاراتىنىن اتاپ ءوتتى. سونىمەن قاتار، كەز كەلگەن قاتەلىك نەمەسە جاڭساقتىق اۋىر زارداپتارعا اكەپ سوعۋى مۇمكىن.
«اسكەري قىزمەتشىلەر قارۋ-جاراقپەن، جاۋىنگەرلىك تەحنيكامەن، وق-دارىلەرمەن جانە جارىلعىش زاتتارمەن ۇدايى جۇمىس ىستەيدى. اسكەري قىزمەت ءارقاشان ءقاۋىپ پەن قاتەرگە تولى. سوندا دا ءبىزدىڭ قاتەلىك جاساۋعا قۇقىمىز جوق. مندەتتەرىن تيىسىنشە ورىنداماعان جاعدايدا، ونىڭ سۇراۋى دا قاتاڭ بولادى»، – دەدى قورعانىس ءمينيسترى.