ەلىمىزدىڭ پاراحوككەي قۇراماسى قۇرلىقتىق كۋبوكتا قولا جۇلدەگە يە بولدى

سوچيدە پاراحوككەيدەن IV قۇرلىقتىق كۋبوك اياقتالدى.

سپورت دوداسىنا  قازاقستان، ارمەنيا، سونداي-اق رەسەيدىڭ ەكى قۇراماسى قاتىستى، دەپ حابارلايدى Almaty-akshamy.kz.

Sports.kz تاراتقان اقپاراتقا سايكەس، توپتىق كەزەڭدە قازاقستاندىق پارا حوككەيشىلەر رەسەي-1 (8:0) جانە رەسەي-2 (9:1) كوماندالارىنا ەسە جىبەرىپ، ارمەنيانى 13:0 ەسەبىمەن جەڭدى. ءۇشىنشى ورىن ءۇشىن وتكەن ماچتا وتانداستارىمىز ارمەنيامەن قايتا كەزدەسىپ، 8-0 ەسەبىمەن سەنىمدى تۇردە جەڭىسكە جەتتى.

«ارينە، مەدال جەڭىپ العان جاقسى. بۇعان ەكى جىل ىشىندە قول جەتكىزدىك. مەدال العانىمىزعا ءالى سەنە الماي تۇرمىز. بۇعان قاجىرلى ەڭبەكتىڭ ارقاسىندا جەتتىك. وسىنداي تۋرنير ءۇشىن كومانداما، ۇيىمداستىرۋشىلارعا راقمەت ايتامىن. بيىل ءبىز الەم چەمپيوناتىنا قاتىسامىز. وندا دا لايىقتى ونەر كورسەتىپ، ەل نامىسىن حالىقارالىق دەڭگەيدە ءساتتى قورعايمىز دەپ ۇمىتتەنەمىز. جارىستاردان جاقسى تاجىريبە جينادىق، بۇل ءبىزدى ۇلكەن جەتىستىكتەرگە جەتەلەيدى. ءبىز الەم چەمپيوناتىنىڭ جوعارعى توبىنا ءىلىنىپ، پاراليمپيادادا ويناعىمىز كەلەدى. بۇل – ءبىزدىڭ ماقساتىمىز. وسىنى ارماندايمىز» – دەدى پاراحوككەيدەن قازاقستان قۇراماسىنىڭ شابۋىلشىسى قايرات سابىروۆ.