قازاقستاننىڭ وڭتۇستىگىندە سۋارمالى سۋدىڭ شىعىنى ازايدى.
بۇل يرريگاسيا جانە درەناجدى جۇيەلەردى جەتىلدىرۋ بويىنشا جوبانىڭ ناتيجەسىندە مۇمكىن بولدى. اتاپ ايتقاندا، جوبا الماتى، جامبىل، قىزىلوردا جانە تۇركىستان وبلىستارىندا 105،1 مىڭ گا اۋماقتا ىسكە اسىرىلىپ جاتىر، دەپ حابارلايدى Almaty-akshamy.kz سالا مينيسترلىگىنە سىلتەمە جاساپ.
جوبانى جۇزەگە اسىرۋ باستالعاننان بەرى 74،5 مىڭ گا سۋارمالى جەرگە سۋ بەرۋ جاقساردى، يرريگاسيالىق جەلىلەردەگى سۋ شىعىنى 193 ملن تەكشە مەترگە دەيىن ازايدى.
«سۋارمالى سۋدى ۇنەمدەۋ جانە ءتيىمدى پايدالانۋ – قازىرگى ۋاقىتتا مينيسترلىكتىڭ نازارىنداعى باسىم باعىتتاردىڭ ءبىرى. اسىرەسە، قازاقستاننىڭ وڭتۇستىك وڭىرلەرىندە وتە وزەكتى. سونىمەن قاتار، ۆەدومستۆو الماتى، جامبىل، قىزىلوردا جانە تۇركىستان وبلىستارىندا 3500 شاقىرىم سۋارۋ جەلىلەرىن سيفرلاندىرۋ بويىنشا جۇمىس جۇرگىزىپ جاتىر»، – دەدى ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.