قازاقستاندا eGov سياقتى مەملەكەتتىك سيفرلىق جۇيە مەن حالىققا ەلەكترون نەگىزدە قىزمەت كورسەتەتىن پلاتفورمالارعا "ۇلتتىق وبەكت" مارتەبەسىن بەرىلۋى مۇمكىن. بۇل اتالعان سيفرلىق اكتيۆتەردىڭ جەكە مەنشىككە، باسقا ەلگە ساتىلىپ كەتۋىنەن، يەلىگىنە ءوتىپ كەتۋدەن قورعايدى، - دەپ حابارلايدى aqshamnews.kz ءتىلشىسى.
بۇل تۋرالى ءماجىلىس مىنبەرىنەن سيفرلىق كودەكس جوباسىن تانىستىرعان دەپۋتات ەكاتەرينا سمىشليايەۆا ايتتى.
"ەلىمىزدە العاش رەت يەلىكتەن شىعارۋعا جاتپايتىن جانە ەلدىڭ سيفرلىق ەگەمەندىگىنىڭ نەگىزىن قۇرايتىن ۇلتتىق سيفرلىق وبەكتىلەر ۇعىمى بەكىتىلمەكشى"، — دەدى ول.
كودەكس جوباسى كەز كەلگەن مەملەكەتتىك نەمەسە ءىرى سيفرلىق جۇيەنىڭ جۇمىس ساپاسىن ءۇش ءتۇرلى تەكسەرۋ ارقىلى قاداعالاپ وتىرۋدى كوزدەيدى. ولار:
— فۋنكسيونالدىق اۋديت. بۇل تەكسەرۋ سيفرلىق جۇيەنىڭ و باستا قۇرىلعان ماقساتىنا قانشالىقتى ساي جۇمىس ىستەپ تۇرعانىن تەكسەرەدى.
— كيبەرقاۋىپسىزدىك ءاۋديتى — جۇيەنىڭ حاكەرلەر شابۋىلىنا توزىمدىلىگىن، دەرەكتەردىڭ قورعالۋىن تەكسەرەدى.
— رەتتەۋشى اۋديت — جۇيەدەگى پروسەستەردىڭ سيفرلىق كودەكس تالاپتارىنا سايكەستىگىن قارايدى.