«جايلى مەكتەپ» ۇلتتىق جوباسىنىڭ اياسىندا قازاقستان مەكتەپتەرىندە ترانسفورمەر-پارتالار پايدا بولادى.
بۇل تۋرالى ۇكىمەت وتىرىسىندا پرەمەر-مينيستر ءاليحان سمايلىلوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وقۋشىلارعا ىڭعايلى بولۋ ءۇشىن ترانسفورمەر-پارتالار مەن «اۋىزسۋ فونتاندارى» قويىلادى. ءار قاباتتا وقۋشىلارعا ارنالعان تىنىعۋ الاڭدارى بولادى.
2023-2025 جىلدارى ەلىمىزدە 401 مەكتەپ سالۋ جوسپارلانىپ وتىر»، - دەدى ءاليحان سمايىلوۆ.
ونىڭ سوزىنە قاراعنادا، جوبانى ىسكە اسىرۋعا رەسپۋبليكالىق بيۋدجەتتەن 2،6 ترلن تەڭگە بولىنبەك.
«ءوڭىر اكىمدەرى جىل سوڭىنا دەيىن جەر ۋچاسكەلەرىن ءبولىپ، ينجەنەرلىك كوممۋنيكاسيالاردى جۇرگىزۋ ماسەلەسىن مۇقيات ويلاستىرۋى قاجەت.
جوبانى ىسكە اسىرۋ بالالاردىڭ جاقسى ءبىلىم الۋى ءۇشىن قاجەتتى جاعداي جاساۋعا مۇمكىندىك بەرەدى. وسىعان بايلانىستى، ۇلتتىق جوبانى ماقۇلداۋدى ۇسىنامىن.
وقۋ-اعارتۋ مينيسترلىگى مۇددەلى مەملەكەتتىك ورگاندارمەن جانە اكىمدىكتەرمەن بىرلەسىپ، جوباداعى ءىس-شارالاردىڭ ۋاقتىلى ورىندالۋىن قامتاماسىز ەتۋى قاجەت»، - دەدى پرەمەر-مينيستر.