ناۋرىز مەيرامىنا ارنالعان رەسپۋبليكالىق چەللەندج 20 ناۋرىزدا ساعات 12:00-دە باستالادى.
بارلىق ءبىلىم بەرۋ ۇيىمدارىندا ۇلتتىق كۇي ءبىر مەزەتتە وينايدى، دەپ حابارلايدى Almaty-akshamy.kz وقۋ-اعارتۋ مينيسترلىگىنىڭ باسپا ءسوز قىزمەتىنە سىلتەمە جاساپ.
شارا وسكەلەڭ ۇرپاقتىڭ بويىندا رۋحاني-ادامگەرشىلىك قۇندىلىقتارى مەن پاتريوتتىق سەزىمدەردى قالىپتاستىرۋعا، ەلدىڭ مادەني مۇراسىن جالعاستىرۋعا، بالالار اراسىندا دومبىرادا ويناۋدى ناسيحاتتاۋعا باعىتتالعان.
«دومبىراشىلار چەللەندجىنىڭ ماقساتى – بالالار مەن جاستاردىڭ، مۇعالىمدەر مەن اتا-انالاردىڭ مۋزىكاداعى شىعارماشىلىق جەتىستىكتەرىن كورسەتۋ جانە دومبىرانى دارىپتەۋ. شاراعا بارلىق نيەت بىلدىرۋشىلەر قاتىسا الادى. بۇل چەللەندج بىلتىر العاش رەت ءوتتى. دومبىرانىڭ كۇمبىرلەگەن ءۇنى ءبىر ۋاقىتتا بارلىق ءبىلىم بەرۋ ۇيىمدارىندا وينادى. بۇل – ەلىمىزدىڭ مادەني ءومىرى ءۇشىن ەلەۋلى وقيعا. شارالار «ءبىرتۇتاس تاربيە» باعدارلاماسى اياسىندا وتكىزىلەدى»، – دەيدى تاربيە جۇمىسى جانە قوسىمشا ءبىلىم بەرۋ دەپارتامەنتىنىڭ ديرەكتورى مەرۋەرت مەدەتبەكوۆا.