«مۋزەيلەر ءتۇنى» حالىقارالىق اكسياسى اياسىندا 2024 جىلدىڭ 18 مامىرىندا ساعات 18:00-دەن 00:00-گە دەيىن الماتى قالاسىنداعى مۋزەيلەردە تاريح جانە ونەرسۇيەر قاۋىم ءۇشىن ءبىرقاتار قىزىقتى شارا ۇيىمداستىرىلادى.
مۋزەيلەرگە كەلۋشىلەر ەكسكليۋزيۆتى ارتەفاكتىلەر مەن سيرەك كەزدەسەتىن ەسپوناتتاردى، تاريحي كەيىپكەرلەردىڭ قاتىسۋىمەن تەاترلاندىرىلعان قويىلىمدار تاماشالاي الادى. سونداي-اق كۆەستتەر مەن ۆيكتورينالارعا، قىش ىدىستار جاساۋ جانە ورتاعاسىرلىق مونەتالاردى سوعۋ، مۋزىكالىق اسپاپتار مەن زەرگەرلىك بۇيىمدار جاساۋ بويىنشا شەبەرلىك سىنىپتارعا قاتىسا الادى. بەلگىلى مۋزەيتانۋشىلار مەن عالىمدار الماتى تۇرعىندارى مەن قوناقتارىنا اۆتورلىق ەكسكۋرسيالار وتكىزىپ، ينتەراكتيۆتى دارىستەر جۇرگىزەدى، دەپ حابارلايدى Almaty-akshamy.kz.
بۇل ءتۇنى الماتى مۋزەيلەرىنىڭ بارلىعىنا كىرۋ تەگىن بولادى. «مۋزەيلەر ءتۇنى» اكسياسى اياسىندا كەلۋشىلەر مادەنيەت پەن تاريح باعىتىنداعى ءبىلىمىن تارازىلاپ، داۋىرلەر مەن ونەر ارقىلى بىرەگەي جانە ينتەراكتيۆتى الەمگە ساياحاتتاي الادى.
اكسيا اياسىندا قىزىقتى شارالار ۇيىمداستىراتىن الماتى مۋزەيلەرىنىڭ ءتىزىمى:
1. الماتى مۋزەيى – قابانباي باتىر كوشەسى، 132
2. ىقىلاس اتىنداعى حالىق مۋزىكالىق اسپاپتار مۋزەيى – زەنكوۆ كوشەسى، 24ا
3. د.ا.قونايەۆ مۋزەيى - تولەبايەۆ كوشەسى، 117
4. ن. تىلەندييەۆتىڭ مەموريالدىق مۋزەيى – قونايەۆ كوشەسى، 96
5. س. مۇقانوۆ اتىنداعى ادەبي-مەموريالدىق مۋزەي - تولەبايەۆ كوشەسى 125
6. ع. مۇسىرەپوۆ اتىنداعى ادەبي-مەموريالدىق مۋزەي كەشەنى - تولەبايەۆ كوشەسى 130
7. مۋلتيمەديالىق ءداستۇرلى مۋزىكالىق ورتالىق - نۇركەنت شاعىن اۋدانى 1، 5/11
8. ا. بايتۇرسىن ۇلىنىڭ مۋزەي-ۇيى - بايتۇرسىن ۇلى كوشەسى، 60
ەكسكۋرسوۆودتار، اتى اڭىزعا اينالعان تۇلعالاردىڭ ۇرپاقتارى، مادەنيەت قايراتكەرلەرى، اتاقتى ارتيستەر مەن تانىمال بلوگەرلەر مۋزەيلەرگە كەلگەن قالا تۇرعىندارى مەن قوناقتارىنا مادەني-تانىمدىق باعدارلامالار ۇسىنادى. باعدارلاما الماتى قالاسى اكىمدىگىنىڭ رەسمي ينتەرنەت-رەسۋرسىندا جاريالانعان. انىقتاما تەلەفونى: 272-43-21، 87088206179، اييا بەليالوۆا – الماتى قالاسى مۋزەيلەر بىرلەستىگىنىڭ باسپا ءسوز حاتشىسى.
انىقتاما ءۇشىن: «مۋزەيلەر ءتۇنى» العاش رەت 1997 جىلى بەرليندە ءوتتى. حالىقارالىق مۋزەيلەر كۇنىنە ورايلاستىرىلعان اكسيانىڭ ماقساتى – مادەني مۇرا مەن ونەردى ناسيحاتتاۋ. قازاقستاندا بۇل اكسيا 2006 جىلدان باستاپ ۇيىمداستىرىپ كەلەدى.