ولارعا جارىق شاعىلىستىراتىن ارنايى ەلەمەنتتەر جابىستىرىلادى.
جانۋارلاردىڭ كەسىرىنەن بولاتىن جول-كولىك وقيعالارى ءجيى تىركەلگەن رەسپۋبليكالىق اۆتوتراسسالاردىڭ ۋچاسكەلەرىندە جانۋارلاردىڭ ماكەتتەرى ورناتىلدى، دەپ حابارلايدى Almaty-akshamy.kz
بيىل بۇل جۇمىس پاۆلودار جانە قوستاناي وڭىرلەرىندە ورنالاسقان رەسپۋبليكالىق تاس جولداردا العاش رەت قولعا الىنىپ، ءقاۋىپتى ۋچاسكەلەردە 40-قا جۋىق جاڭا ماكەتتەر ورنالاستىرىلدى.
ەسكەرتۋ ماكەتتەرى تۇنگى ۋاقىتتا جانە اۋا-رايى قولايسىز بولعاندا انىق كورىنۋى ءۇشىن ولارعا جارىق شاعىلىستىراتىن ارنايى ەلەمەنتتەر جابىستىرىلادى. بۇل جولعا نازار اۋدارۋ قاجەتتىگىن ەسكە سالۋدىڭ، ءقاۋىپتى ۋچاسكەلەردەگى جىلدامدىقتى تومەندەتۋدىڭ ءتيىمدى ءتاسىلى.
جانۋارلاردىڭ ماكەتتەرى وسىعان دەيىن اقمولا، الماتى، اقتوبە، شىعىس قازاقستان، باتىس قازاقستان، سولتۇستىك قازاقستان جانە ماڭعىستاۋ وبلىستارىنىڭ رەسپۋبليكالىق جولدارىنىڭ بويىنا ورناتىلعان بولاتىن.