بولجامعا سايكەس، رەسپۋبليكامىزدىڭ باسىم بولىگىندە قۇرعاق ءارى اۋا رايى جىلى بولادى.
سينوپتيكتەر 1 قازاندا قازاقستاندا اۋا رايى قانداي بولاتىنىن ايتتى، دەپ حابارلايدى aqshamnews.kz "قازگيدرومەت" رمك-نىڭ باسپا ءسوز قىزمەتىنە سىلتەمە جاساپ.
"فرونتالدى اتموسفەرالىق بولىكتەردىڭ جىلجۋىنا بايلانىستى ەلىمىزدىڭ وڭتۇستىگىندە عانا نايزاعاي ويناپ، جاڭبىر جاۋادى دەپ كۇتىلەدى. قازاقستاننىڭ باتىسىندا، وڭتۇستىگىندە، شىعىسىندا جەل ەكپىن الادى، تۇندە جانە تاڭەرتەڭ سولتۇستىكتە، ەلدىڭ وڭتۇستىك-شىعىسىنداعى تاۋلى ايماقتاردا تۇمان تۇسەدى، وڭتۇستىكتە شاڭدى داۋىل بولادى"، دەلىنگەن "قازگيدرومەت" رمك حابارلاماسىندا.
گيدرومەتەورولوگيالىق ورتالىقتىڭ مالىمەتىنشە، اقتوبە، قاراعاندى وبلىستارىندا، ۇلىتاۋ ءوڭىرىنىڭ شىعىسىندا، جەتىسۋ وبلىسىنىڭ شىعىسىندا، باتىس قازاقستان وبلىسىنىڭ سولتۇستىگىندە، قىزىلوردا ءوڭىرىنىڭ سولتۇستىك-باتىسىندا، جامبىل وبلىسىنىڭ وڭتۇستىك-شىعىسىندا، وڭتۇستىگىندە، قوستاناي وبلىسىنىڭ ورتالىعىندا، ماڭعىستاۋ ءوڭىرىنىڭ شىعىسىندا، باتىسىندا، وڭتۇستىگىندە، شىعىس قازاقستان وبلىسىنىڭ ورتالىعىندا، شىعىسىندا، اباي وبلىسىنىڭ ورتالىعىندا، اباي جانە شىعىس قازاقستان وبلىستارىنىڭ سولتۇستىگىندە ءورت ءقاۋپى جوعارى بولادى دەپ كۇتىلەدى.
"ماڭعىستاۋ، اتىراۋ، تۇركىستان، قىزىلوردا، جامبىل، ۇلىتاۋ، باتىس قازاقستان وبلىستارىندا، قاراعاندى وبلىسىنىڭ باتىسىندا، شىعىسىندا ، اباي ءوڭىرىنىڭ وڭتۇستىگىندە ، جەتىسۋ وبلىسىنىڭ باتىسىندا، سولتۇستىگىندە، ورتالىعىندا، الماتى ءوڭىرىنىڭ سولتۇستىگىندە، شىعىسىندا، اقتوبە وبلىسىنىڭ باتىسىندا، وڭتۇستىگىندە، ورتالىعىندا توتەنشە ءورت ءقاۋپى ساقتالادى"، - دەپ ناقتىلادى "قازگيدرومەت" رمك.