قار جاۋىپ، بۇرقاسىن، كوكتايعاق بولادى.
قازاقستاننىڭ 13 وڭىرىندە ەسكەرتۋ جاريالاندى، دەپ حابارلايدى Almaty-akshamy.kz
25 قاراشادا نۇر-سۇلتان جانە شىمكەنت قالالارىندا جەل ەكپىنى سەكۋندىنا 15-20، 23 مەتر بولادى دەپ بولجانعان.
اقمولا وبلىسىنىڭ وڭتۇستىك-شىعىسىندا بۇرقاسىن، كوكتايعاق كۇتىلەدى. وڭتۇستىك-باتىستان سوعاتىن جەل سولتۇستىككە، سولتۇستىك-باتىسقا اۋىسادى، كۇندىز وبلىستىڭ شىعىسىندا ەكپىنى 15-20 م/س كۇتىلەدى.
اقتوبە وبلىسىنىڭ وڭتۇستىگىندە كوكتايعاق بولادى.
شىعىس قازاقستان وبلىسىنىڭ سولتۇستىك بولىگىندە كۇندىز جاۋىن-شاشىن (جاڭبىر، قار) جاۋادى. وبلىستىڭ سولتۇستىك بولىگىندە جاياۋ بۇرقاسىن جۇرەدى. جولداردا كوكتايعاق كۇتىلەدى. جەل وڭتۇستىكتەن، وڭتۇستىك-باتىستان سوعادى، وبلىستىڭ سولتۇستىگىندە، باتىسىندا 15-20، ەكپىنى 25 م/س.
جامبىل وبلىسىنىڭ سولتۇستىك-شىعىسىندا جانە تاۋلى، تاۋ بوكتەرلى اۋداندارىندا قاتتى جاۋىن-شاشىن (جاڭبىردىڭ سوڭى قارعا ۇلاسادى) كۇتىلەدى. 26-27 قاراشادا وبلىستىڭ سولتۇستىگىندە جانە تاۋلى، تاۋ بوكتەرلى اۋداندارىندا تۇمان، كوكتايعاق بولادى. وڭتۇستىك-باتىستان سوعاتىن جەل سولتۇستىك-شىعىس جەلىنە اۋىسادى. وبلىستىڭ وڭتۇستىك-باتىسىندا، سولتۇستىك-شىعىسىندا جانە تاۋلى اۋداندارىندا 15-20 م/س، كۇندىز 25 قاراشادا، تاۋلىك بويى 26-27 قاراشادا ەكپىنى 23-28 م/س جەل سوعادى دەگەن بولجام بار.
باتىس قازاقستان وبلىسىندا جەل سولتۇستىكتەن وڭتۇستىك-باتىسقا اۋىسىپ سوعادى، وبلىستىڭ سولتۇستىگىندە، وڭتۇستىك-شىعىسىندا ەكپىنى 15-20 م/س بولادى.
قاراعاندى وبلىسىنىڭ باتىسىندا، سولتۇستىگىندە، شىعىسىندا جاياۋ بۇرقاسىن، كوكتايعاق، وبلىستىڭ وڭتۇستىگىندە تۇمان كۇتىلەدى. وڭتۇستىك-باتىستان سوققان جەل سولتۇستىككە اۋىسادى، وبلىستىڭ شىعىسىندا، ورتالىعىندا 15-20، ەكپىنى 23 م/س كۇتىلەدى.
قوستاناي وبلىسىنىڭ وڭتۇستىگىندە، شىعىسىندا تۇمان، كوكتايعاق كۇتىلەدى.
قىزىلوردا وبلىسىنىڭ سولتۇستىگىندە كوكتايعاق كۇتىلەدى. جەل سولتۇستىك-باتىستان وڭتۇستىك-باتىسقا اۋىسىپ سوعادى، كۇشى وبلىستىڭ سولتۇستىگىندە جانە ورتالىعىندا 15-20 م/س كۇتىلەدى.
ماڭعىستاۋ وبلىسىنىڭ سولتۇستىگىندە، سولتۇستىك-شىعىسىندا كوكتايعاق، تۇمان كۇتىلەدى. سولتۇستىك-باتىستان، سولتۇستىكتەن جەل سوعادى، وبلىستىڭ باتىسىندا سوققان جەلدىڭ ەكپىنى 15-20 م/س.
پاۆلودار وبلىسىنىڭ سولتۇستىگىندە، شىعىسىندا كوكتايعاق، جاياۋ بۇرقاسىن كۇتىلەدى. وڭتۇستىكتەن سوققان جەل سولتۇستىك-باتىسقا اۋىسادى، وبلىستىڭ وڭتۇستىگىندە، شىعىسىندا ەكپىنى 15-20 م/س.
تۇركىستان وبلىسىنىڭ سولتۇستىگىندە، باتىسىندا شاڭدى داۋىل بولادى. تۇندە تاۋلى اۋدانداردا وڭتۇستىك-باتىستان سوققان جەلدىڭ ەكپىنى سەكۋندىنا 15-20 مەتر، كۇندىز 15-20، تاۋلى اۋدانداردا جەلدىڭ ەكپىنى سەكۋندىنا 23-28 مەترگە جەتەدى.
«جاۋىن-شاشىننىڭ تۇسۋىنە جانە قاتقاق بولۋىنا بايلانىستى كوكتايعاق بولادى. سونىڭ سالدارىنان جول-كولىك وقيعالارى، سونداي-اق جاياۋ جۇرگىنشىلەردىڭ كوشە جاراقاتتارى: سوعىلۋ، شىعىپ كەتۋ جانە سىنۋ قاتەرلەرى ۇلعايادى. كوكتايعاق كەزىندە ازاماتتارعا تايعانامايتىن تابانى بار اياقكيىم كيۋ ۇسىنىلادى. اباي بولىڭىزدار!»، - دەلىنگەن حابارلامادا.