ەلىمىزدىڭ كەي ايماعىندا ۇسىك ءجۇرۋى مۇمكىن

ەلىمىزدىڭ باسىم بولىگىندە اۋا رايى تۇراقسىز، نايزاعاي ويناپ، جاڭبىر جاۋادى، دەپ حابارلايدى aqshamnews.kz

ماماندار بولجامىنشا، 4–5 قىركۇيەكتە ەلىمىزدىڭ باتىسىندا، 5–6 قىركۇيەكتە سولتۇستىك-باتىسىندا بۇرشاق جانە ەكپىندى جەل مەن قاتتى جاڭبىر جاۋادى.

وڭتۇستىك، وڭتۇستىك-شىعىس، ورتالىق ايماقتاردا، سونداي-اق 5–6 قىركۇيەكتە شىعىستا انتيسيكلوننىڭ اسەرىنەن جاۋىن-شاشىنسىز اشىق اۋا رايى كۇتىلەدى. رەسپۋبليكا بويىنشا جەل كۇشەيەدى، ال سولتۇستىك وڭىرلەردە تۇنگى جانە تاڭعى ۋاقىتتاردا تۇمان تۇسەدى.

شىعىستا، 05 قىركۇيەكتە سولتۇستىك-شىعىستا، 4–5 قىركۇيەكتە ورتالىقتا تۇنگى ۋاقىتتا اۋا تەمپەراتۋراسى 2–10 جىلى شاماسىندا بولىپ، توپىراق بەتىندە 2 گرادۋسقا دەيىن ۇسىك ءجۇرۋى ىقتيمال.

كۇندىزگى تەمپەراتۋرا:

باتىس ايماقتاردا 18–33 گرادۋستان 15–27 گرادۋسقا دەيىن تومەندەيدى؛

سولتۇستىك وبلىستاردا 17–28 گرادۋستان 25–30 گرادۋسقا دەيىن كوتەرىلەدى؛

ورتالىقتا 20–32 گرادۋستان 25–35 گرادۋسقا دەيىن جىلى بولادى؛

شىعىستا 12–25 گرادۋس جىلى كۇتىلەدى؛

وڭتۇستىكتە 30–35 گرادۋستان 33–38 گرادۋسقا دەيىن اۋىتقيدى؛

وڭتۇستىك-شىعىستا 22–30 گرادۋستان 28–33 گرادۋسقا دەيىن جوعارىلايدى؛

تاۋلى ايماقتاردا 12–17 گرادۋستان 18–23 گرادۋسقا دەيىن جىلى بولادى.