ماڭىزدى مەملەكەتتىك مىندەتتى ىسكە اسىرۋ ماقساتىندا حالىقارالىق اقپاراتتىق تەحنولوگيالار ۋنيۆەرسيتەتى (حاتۋ) الەمنىڭ ۇزدىك IT-جوعارى وقۋ ورىندارىمەن جانە كومپانيالارىمەن ارىپتەستىكتە ءبىلىم بەرۋ باعدارلامالارىن ازىرلەۋدە.
«ەڭبەك داعدىلارىن دامىتۋ جانە جۇمىس ورىندارىن ىنتالاندىرۋ» جوباسى شەڭبەرىندە ق ر ەڭبەك جانە الەۋمەتتىك قورعاۋ مينيسترلىگىمەن جانە دۇنيەجۇزىلىك بانكىنىڭ قولداۋىمەن حاتۋ 40 ءبىلىم بەرۋ باعدارلاماسىن ازىرلەپ ەنگىزدى، ولاردىڭ كوپشىلىگى بىرەگەي. بۇل باعدارلامالار جۇمىس بەرۋشىلەردىڭ تالاپتارى مەن جوعارى حالىقارالىق ستاندارتتاردى ەسكەرە وتىرىپ، شەتەلدىك سەرىكتەستەر – Inha University جانە Hof University-مەن بىرلەسىپ ازىرلەندى.
حاتۋ الەمگە ايگىلى Coursera ونلاين ءبىلىم بەرۋ پلاتفورماسىمەن ىنتىماقتاستىق ورناتقان جانە Coursera for Campus جوعارى وقۋ ورىندارى ءۇشىن ارنايى ءونىمدى ەنگىزگەن قازاقستان مەن ورتالىق ازياداعى العاشقى ۋنيۆەرسيتەت بولىپ تابىلادى. وقىتۋشىلار مەن ستۋدەنتتەرگە 2،5 مىڭ Coursera ليسەنزياسى بولىنگەن، بۇل ولارعا الەمنىڭ جەتەكشى جوعارى وقۋ ورىندارىنان ونلاين كۋرستان وتۋگە مۇمكىندىك بەرەدى.
Microsoft كومپانياسى حاتۋ-دى الەمنىڭ 30 ۋنيۆەرسيتەتى عانا قاتىساتىن «Microsoft Learn for Educators Institutional Program» جاھاندىق باعدارلاماسىنا قوستى. سونداي-اق، جوعارى وقۋ ورنى Amazon Web Service Academy، Huawei، Cisco، IBM، كاسپەرسكيي زەرتحاناسى جانە ت.ب. IT-يندۋستريانىڭ جوعارى تەحنولوگيالىق ۆەندورلارىمەن ىنتىماقتاستىقتى بەلسەندى دامىتۋدا.
«حالىق بانك» اق-مەن بىرگە IT-ۋنيۆەرسيتەت «اقپاراتتىق جۇيەلەر»، «ۇلكەن دەرەكتەردى تالداۋ»، «بيزنەس-تالداۋ»، «قارجىلىق تەحنولوگيالار» جانە ت.ب. ءبىلىم بەرۋ باعدارلامالارىنا قوسىلعان بانك تەحنولوگيالارىنىڭ نەگىزگى ستەكىنىڭ ءبىرقاتار پاندەرى مەن مودۋلدەرىن ەنگىزۋگە كىرىستى، بۇل وزىق بانكتىك تەحنولوگيالارمەن جۇمىس جاساۋدا پراكتيكالىق داعدىلارى بار مامانداردى دايارلاۋدى جۇزەگە اسىرۋعا مۇمكىندىك بەرەدى.
ق ر راديوەلەكترونيكا جانە بايلانىس اسكەري-ينجەنەرلىك ينستيتۋتىمەن «كيبەرقاۋىپسىزدىك» بىرلەسكەن ءبىلىم بەرۋ باعدارلاماسى شەڭبەرىندە كادرلار دايارلاۋ بويىنشا جۇمىس جالعاسۋدا. س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىمەن ىنتىماقتاستىقتا «بيزنەس-جۋرناليستيكا، SMM & PR» بىرلەسكەن ءبىلىم بەرۋ باعدارلاماسى ازىرلەندى. سيفرلىق جۋرناليستيكا – «سيفرلىق مەدياتەحنولوگيا جانە دەرەكتەردى ۆيزۋاليزاسيالاۋ» بويىنشا ماگيستراتۋرا اشىلدى، «حالىقارالىق جۋرناليستيكا» اتتى جاڭا باعدارلاماسىن اشۋ جوسپارلانۋدا.
حاتۋ ءوزىنىڭ الەۋمەتتىك ميسسياسىن دا بەلسەندى تۇردە جۇزەگە اسىراتىندىعىن اتاپ وتكەن ءجون. مىسالى، ەگدە جاستاعى ادامدار ءۇشىن «كۇمىس ۋنيۆەرسيتەت» جوباسى تابىستى جۇزەگە اسىرىلۋدا، وندا ولار IT-سالاسىندا جۇمىس ىستەۋگە قاجەتتى ءبىلىم مەن داعدىلاردى يگەرە الادى.
جوعارى بىلىكتى مامان بولۋ جانە ەڭبەك نارىعىندا سۇرانىسقا يە بولۋ ءۇشىن ەلىمىزدىڭ جەتەكشى IT-ۋنيۆەرسيتەتىندە ءبىلىم الۋشىلارعا بارلىق جاعداي جاسالعان. ءبىلىم بەرۋ پروسەسىندە ستۋدەنتتەردىڭ قاجەتتى قۇزىرەتتىلىگى مەن پراكتيكالىق جۇمىس داعدىلارىن قالىپتاستىرۋعا ەرەكشە كوڭىل بولىنەدى. ۋنيۆەرسيتەتتە ستۋدەنتتەرگە كاسىپكەرلىك داعدىلاردى دامىتۋعا كومەكتەسەتىن جانە ستارتاپتارعا ينۆەستيسيا سالۋعا مۇمكىندىك بەرەتىن Innovation Center جۇمىس اتقارۋدا.
ءبىلىم بەرۋ باعدارلامالارى مەن وقۋعا ءتۇسۋ شارتتارى تۋرالى تولىق اقپاراتتى حاتۋ-دا، ماناس كوشەسى، 34/1 مەكەن-جايى بويىنشا، سونىمەن بىرگە www.iitu.edu.kz سايتىنان جانە قابىلداۋ كوميسسياسىنان الۋعا بولادى – تەل. 8 (727) 320-00-00 جانە 320-00-01 (باكالاۆريات)، 244-51-12 (ماگيستراتۋرا-دوكتورانتۋرا).