ماسكەۋدەگى ەكىنشى كاسپيي ەكونوميكالىق فورۋمى الاڭىندا قازاقستان پرەمەر-مينيسترى ءاليحان سمايىلوۆ پەن يراننىڭ ءبىرىنشى ۆيسە-پرەزيدەنتى موحامماد موحبەر ەكىجاقتى ىنتىماقتاستىقتى نىعايتۋ پەرسپەكتيۆالارىن تالقىلادى. بۇل تۋرالى Almaty-akshamy.kz Inform.kz-كە سىلتەمە جاساپ حابارلايدى.
«يرانمەن تاتۋ كورشىلىك قاتىناستاردى دامىتۋ – قازاقستاننىڭ سىرتقى ساياساتتاعى باسىمدىقتارىنىڭ ءبىرى»،-دەلىنگەن سايتتاعى مالىمەتتە.
سونداي-اق وندا وتكەن جىلى ەكى ەل اراسىنداعى تاۋار اينالىمى 85،1%-عا ءوسىپ، $441 ملن-دى قۇراعانى ايتىلعان. قازىرگى ۋاقىتتا قازاقستاننان يرانعا ەكسپورت 154 تاۋار پوزيسياسى بويىنشا جۇزەگە اسىرىلادى. بۇل رەتتە ۇكىمەت وسى نومەنكلاتۋرانى كەڭەيتۋ جونىندە ۇسىنىس دايىنداپ جاتىر.
قازاقستان اۋىل شارۋاشىلىعى سالاسىنداعى ارىپتەستىكتى دامىتۋعا جانە ازىق-تۇلىكپەن ءوزارا قامتاماسىز ەتۋدى ۇلعايتۋعا ۇلكەن ءمان بەرەدى.
«ەكى ەلدىڭ اگروونەركاسىپ ءونىمىنىڭ تاۋار اينالىمىن 1 ملرد دوللارعا دەيىن ۇلعايتۋعا مۇمكىندىگى بار. وسى مىندەتتى ىسكە اسىرۋ ءۇشىن كولىك دالىزدەرىن جانە اۋىل شارۋاشىلىعى تاۋارلارىن ءوزارا جەتكىزۋدى پىسىقتاپ جاتىرمىز»، — دەدى ءاليحان سمايىلوۆ.