قازاقپارات – الماتىدا «I» ج ش س مەن «G» ج ش س قارجىلىق پيراميداسىن قۇرۋ جانە باسقارۋ فاكتىسى بويىنشا سوتقا دەيىنگى تەرگەۋ اياقتالدى، دەپ حابارلايدى Almaty-akshamy.kz Inform.kz-كە سىلتەمە جاساپ.
الماتى قالاسى بوستاندىق اۋدانىنىڭ №2 سوتىندا قارجى پيراميداسىن قۇرۋ جانە وعان جەتەكشىلىك ەتۋ فاكتىسى بويىنشا توعىز ادامعا قاتىستى قىلمىستىق ءىس قارالدى.
«بۇرىن قىلمىس جاساعانى ءۇشىن سوتتالعان يا. ەسىمدى ايەل 2019 جىلدىڭ ساۋىرىنەن 2020 جىلدىڭ قاراشاسى ارالىعىندا قارجى پيراميداسىن قۇرىپ، ونى باسقارعان. كەيىن كومپانياعا جەتى ادامدى تارتىپ، ولارمەن بىرلەسىپ «I» ج ش س جانە «G» ج ش س تىركەيدى. قارجى پيراميداسىن ۇيىمداستىرۋشىلار ازاماتتارعا ەنشىلەس كومپانيالاردىڭ ينۆەستيسيالىق جوبالارىنا قاراجات سالۋدى ۇسىنعان. بۇل كومپانيالار سىياقى الۋعا كەپىلدىك بەرگەن»، - دەپ حابارلادى اۋداندىق سوتتىڭ باسپا ءسوز قىزمەتى.
اتالعان پيراميدادان 209 ادام زارداپ شەككەن. ولارعا كەلتىرىلگەن شىعىن 931 ملن 672 مىڭ تەڭگە كولەمىندە.
«سوت ۇكىمىمەن قارجى پيراميداسىن قۇرعان 8 ادام كىنالى دەپ تانىلىپ، 5 جىلدان 9،6 جىلعا دەيىن باس بوستاندىعىنان ايىرۋ جازاسىنا كەسىلدى. ايىپتالۋشىلاردىڭ بىرىنە قاتىستى قىلمىستىق كودەكستىڭ 63-بابى قولدانىلىپ، ونىڭ ىس-ارەكەتىنەن زالال بولماعاندىقتان، شارتتى تۇردە سوتتالدى»، - دەپ اتاپ ءوتتى سوتتان.
ۇكىم زاڭدى كۇشىنە ەنگەن جوق.